న్యూదిల్లి:ప్రధానమంత్రి నరేంద్రమోదీ దేశ ప్రజల మాట వినాలని, ప్రజాప్రతినిధులు, మంత్రుల అభిప్రాయాలు తెలుసుకోవాలని, అధికారవర్గాల సూచనలు అర్థం చేసుకోవాలని, కాంగ్రెస్ నేత, ఎంపి రాహుల్‌గాంధీ హితవు చెప్పారు. అంతే తప్ప సొంత నిర్ణయాలతో దేశాన్ని నడపలేరని ఆయన అన్నారు. లోక్‌సభలో ఎంపీలను ఉద్దేశించి ఆయన మాట్లాడుతూ ఎన్నికల వేళ ప్రజలకు ఇచ్చిన ఉద్యోగాల కల్పన హామీ వట్టిపోయిందని విమర్శించారు.

ఇంఫాల్:మణిపూర్‌లో సాయుధ బలగాల ప్రత్యేక అధికారాల చట్టాన్ని రద్దు చేయాలని కోరుతూ మంగళవారం మరోసారి నిరశన దీక్ష ప్రారంభించిన సామాజిక కార్యకర్త ఇనోం షర్మిలను బుధవారంనాడు మళ్లీ పోలీసులు అరెస్టు చేశారు. గత పదిహేనేళ్లుగా ఆమె ఇలా నిరశన దీక్షకు దిగడం, పోలీసులు ఆత్మహత్యాయత్నం కేసు నమోదు చేయడం మామూలే. కోర్టు తీర్పు మేరకు ఆమె సోమవారం విడుదలవగా మంగళవారం దీక్ష ప్రారంభించారు.

న్యూఢిల్లీ: గ్రామీణ ప్రాంతాలకు బడ్జెట్‌లో ఇచ్చిన ఊతాన్ని సద్వినియోగం చేసుకోవాలని ఎన్‌డిఎ ఎంపీలకు ప్రధాని నరేంద్ర మోదీ పిలుపునిచ్చారు. రైతులకు చేరువై వారిని గరిష్ఠస్థాయిలో పంటల బీమా పథకం పరిధిలోకి తీసుకొచ్చే ప్రయత్నం చేయాలని కోరారు. ప్రతి ఎంపీ కూడా ఈ లక్ష్యాన్ని ఓ సవాలుగా తీసుకోవాలని, తమ నియోజకవర్గాల పరిధిలో విస్తృత స్థాయి ఫలితాలను సాధించాలని మోదీ స్పష్టం చేశారు.

న్యూఢిల్లీ: జాతీయ, అంతర్జాతీయ స్థాయిలో సంచలనాన్ని కలిగించి జెఎన్‌యు విద్యార్థుల అరెస్టుకు దారితీసిన కార్యక్రమ నిర్వహణకు అయిన ఖర్చు కేవలం వంద రూపాయలేనని విద్యార్థులు స్పష్టం చేశారు.