న్యూఢిల్లీ : ప్రధానమంత్రి మోదీ ప్రజా వ్యతిరేక విధానాలు అవలంభిస్తున్నారంటూ కాంగ్రెస్‌ సభ్యులు పార్లమెంటులో ఆందోళన చేశారు. ఈ ఆందోళనలో పాల్గొన్న ఏఐసీసీ ఉపాధ్యక్షుడు రాహుల్‌గాంధీ మాట్లాడుతూ... మోదీపై నిప్పులు చెరిగారు. మోదీ తన పనితీరును మార్చుకోవాలని రాహుల్‌ సూచించారు.

వారణాసి : ఆర్టిస్ట్ హేమా మర్డర్ కేసులో పోలీసులు కీలక నిందితున్ని అరెస్టు చేశారు. ఉత్తరప్రదేశ్‌లోని వారణాసిలో సాధూ రాజ్‌బర్‌ను ఆ రాష్ట్ర స్పెషల్ పోలీసులు అరెస్టు చేశారు. గత శుక్రవారం రాజ్‌బర్ తనను కలవాలంటూ హేమాకు ఫోన్ చేసినట్లు పోలీసులు గుర్తించారు.

ఢిల్లీ : ఢిల్లీలోని షకూర్ బస్తీలో రైల్వే శాఖ 1200 ఇళ్లను తొలగించటం వల్ల ఆరునెలల పసిపాప మృతిచెందిన విషయం విదితమే. దీనిపై రాజకీయ దుమారం నెలకొన్న నేపథ్యంలో ఏఐసీసీ ఉపాధ్యక్షుడు రాహుల్‌గాంధీ సోమవారం ఢిల్లీలోని షకూర్ బస్తీలో పర్యటించారు. బాధితులను పరామర్శించారు. ఈ ఘటనపై ఢిల్లీ ముఖ్యమంత్రి కేజ్రీవాల్ మేజీస్ట్రీరియల్ విచారణకు ఆదేశించారు. రైల్వే శాఖ చర్యలను నిరసిస్తూ ఆప్ ఎంపీలు ఆందోళన చేశారు.

చెన్నై: భారీ వర్షాల అనంతరం దాదాపు నెల రోజుల విరామం తర్వాత చెన్నైలో సోమవారం విద్యా సంస్థలు తిరిగి ప్రారంభమయ్యాయి. సెలవుల కారణంగా సిలబస్ పూర్తి కాకపోవడంతో అదనపు పనిగంటలతో తరగతులు నిర్వహిస్తామని విద్యా సంస్థలు ప్రకటించాయి. కాగా, భారీ వర్షాలతో ధ్వంసమైన స్కూళ్లను ప్రారంభించేందుకు మాత్రం కొంత సమయం పట్టే అవకాశం ఉంది.