S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

12/02/2015 - 07:10

న్యూఢిల్లీ, డిసెంబర్ 1: అంధ్రప్రదేశ్‌కు ప్రత్యేక హోదా ప్రకటించటంలో జరుగుతున్న జాప్యం తీవ్ర ఇబ్బందులకు దారితీస్తోందని కాంగ్రెస్ సభ్యుడు జె.డి.శీలం ఆరోపించారు. రాజ్యాంగ నిర్మాత అంబేద్కర్ 125వ జన్మదినోత్సవాన్ని పురస్కరించుకుని రాజ్యాంగంపై రాజ్యసభలో జరిగిన చర్చలో ఆయన ప్రసంగించారు. ప్రత్యేక కేటగిరీ హోదాను ప్రకటించే విషయంలో కేంద్ర ప్రభుత్వం ద్వంద్వ నీతిని పాటిస్తోందని ఆయన విమర్శించారు.

12/02/2015 - 06:57

న్యూఢిల్లీ, డిసెంబర్ 1: ఎన్‌డిఏ హయాంలో దేశంలో అసహన ధోరణులు పెరిగిపోతున్నాయన్న విపక్షాల ఆరోపణలను హోం మంత్రి రాజ్‌నాథ్ సింగ్ ఖండించారు. మతసామరస్యాన్ని దెబ్బతీసేందుకు ఎవరు ప్రయత్నించినా క్షమించేది లేదని హెచ్చరించారు. దాద్రీ ఘటన, కల్బుర్గీ హత్యలపై సిబిఐ దర్యాప్తునకు ఆదేశించడానికి తమ ప్రభుత్వ సిద్ధంగా ఉందని ఆయన స్పష్టం చేశారు.

12/02/2015 - 06:58

న్యూఢిల్లీ, డిసెంబర్ 1: పార్లమెంటు సమావేశాల్లో సభ్యులు ఆచితూచి మాట్లాడాలని, రెచ్చగొట్టే ప్రసంగాలు, వివాదాస్పద అంశాల జోలికి వెళ్లొద్దని బిజెపి అధినాయకత్వం పార్టీ ఎంపీలకు హితవు చెప్పింది. అసహనం సాకుతో ప్రతిపక్షాలు సభలో గందరగోళం సృష్టిస్తున్న నేపథ్యంలో అధికార పార్టీ సభ్యులు బాధ్యతతో మెలగాలని పార్టీ నేతలు విజ్ఞప్తి చేశారు.

12/02/2015 - 06:52

అహ్మదాబాద్, డిసెంబర్ 1: దేశంలో ప్రబలుతున్న అసహన ధోరణులపై జోరుగా చర్చ జరుగుతున్న సమయంలో ప్రజలు తమ మనసుల్లోని విద్వేష ఆలోచనలను తొలగించుకోవాలని రాష్టప్రతి ప్రణబ్ ముఖర్జీ మంగళవారం గట్టి సందేశం ఇచ్చారు. వీధుల్లో పోగుపడి ఉన్నది అసలు చెత్త కాదని, మనుషుల మనస్సుల్లో ఉన్న విద్వేష ఆలోచనలే నిజమైన చెత్త అని ఆయన పేర్కొన్నారు. అన్ని రకాల హింసనుంచి ప్రజలకు విముక్తి కలిగించాలని ఆయన ఉద్బోధించారు.

12/02/2015 - 06:50

న్యూఢిల్లీ, డిసెంబర్ 1: ఏకాభిప్రాయంతోనే ఆంధ్రప్రదేశ్‌కు ప్రత్యేక హోదా లభిస్తుందని కేంద్ర మంత్రులెవరు ప్రకటించినా తప్పే అవుతుందని తెలుగుదేశం పార్లమెంటరీ పార్టీ నాయకుడు, కేంద్ర సాంకేతికాభివృద్ధి శాఖ సహాయ మంత్రి వై.ఎస్.చౌదరి స్పష్టం చేశారు. ప్రత్యేక కేటగిరి హోదాను ఇస్తామని అప్పటి ప్రధాని మన్మోహన్ సింగ్ ప్రకటించారు.

12/02/2015 - 06:49

రాలెగావ్ సిద్ధి, డిసెంబర్ 1: ఆమ్ ఆద్మీ పార్టీ ప్రభుత్వం ఢిల్లీ శాసనసభలో ప్రవేశపెట్టిన జన లోక్‌పాల్ బిల్లుకు కేంద్రం గనుక అడ్డంకులు సృష్టించినట్లయితే తానే స్వయంగా రంగంలోకి దిగుతానని ప్రముఖ సామాజిక ఉద్యమకారుడు అన్నా హజారే చెప్పారు.

12/02/2015 - 06:48

న్యూఢిల్లీ, డిసెంబర్ 1: విశ్వ భారతి వైస్ చాన్సలర్ సుశాంత దత్త గుప్తాను బర్తరఫ్ చేయడానికి సంబంధించిన ఫైలును రాష్టప్రతి కార్యాలయం మరోసారి తిప్పి పంపింది. గత మూడు నెలల్లో రాష్టప్రతి కార్యాలయం ఈ ఫైలును తిప్పపంపడం ఇది రెండోసారి.

12/02/2015 - 06:48

చెన్నై, డిసెంబర్ 1: కేంద్ర మాజీ ఆర్థిక మంత్రి పి చిదంబరం కుమారుడు, కాంగ్రెస్ పార్టీ నాయకుడు కార్తీ చిదంబరంతో సంబంధం ఉన్న వ్యాపార భాగస్వాములకు చెందిన కొన్ని కార్యాలయాలపై ఆదాయం పన్ను విభాగం, ఎన్‌ఫోర్స్‌మెంట్ డైరెక్టరేట్ మంగళవారం సోదాలు జరిపాయి. సోదాలు జరుపుతున్న వాటిలో కార్తీ చిదంబరానికి వాటా ఉన్న ఒక ప్రైవేట్ ఐ కేర్ సంస్థసహా కొన్ని కంపెనీలు ఉన్నట్లు సంబంధిత అధికారి ఒకరు తెలిపాయి.

12/02/2015 - 06:47

న్యూఢిల్లీ, డిసెంబర్ 1: గ్రామీణ ప్రాంతాల్లో ఆరోగ్య సేవలను సత్వరం అందించేందుకు వీలుగా ప్రతి ఏటా 50వేల అంగన్‌వాడీ కేంద్రాలను నిర్మించనున్నట్లు కేంద్ర మహిళా శిశు అభివృద్ధి శాఖ మంత్రి మేనకాగాంధీ వెల్లడించారు. వీటి నిర్మాణానికి అవసరమైన నిధులను మహాత్మాగాంధీ జాతీయ గ్రామీణ ఉపాధి హామీ పథకం నుంచి కొంత, ఐసిడిఎస్ బడ్జెట్‌నుంచి మరికొంత కేటాయించడం జరుగుతుందన్నారు.

12/02/2015 - 06:45

న్యూఢిల్లీ, డిసెంబర్ 1: ప్రధాని నరేంద్ర మోదీ పెద్దపెద్ద మాటలు చెబుతున్నారనీ, చేతల్లో మాత్రం ఏమీ ఉండటం లేదంటూ కాంగ్రెస్ పార్టీ ఉపాధ్యక్షుడు రాహుల్ గాంధీ పెద్ద ఎత్తున దాడికి దిగారు. లోక్‌సభలో మంగళవారం అసహనం పెరిగిపోవటం గురించి మాట్లాడుతూ పాకిస్తాన్ నుండి మంచి గుణాలు నేర్చుకోవాలి కానీ చెడ్డ గుణం కాదని మోదీకి హితవు చెప్పారు.

Pages