న్యూఢిల్లీ, జనవరి 1: ప్రధానమంత్రి నరేంద్రమోదీ ఇంటర్యూ అబద్ధాల పుట్ట అని, మోదీ నిష్క్రమణకు కౌంట్ డౌన్ మొదలైందని కాంగ్రెస్ పార్టీ విమర్శించింది. మోదీ పాత విషయాలనే మళ్లీ నెమరువేశారని, సొంత డబ్బాకొట్టుకున్నారని కాంగ్రెస్ పార్టీ అధికార ప్రతినిధి రణదీప్ సూర్జీవాలా చెప్పారు. ప్రజలకు ఇచ్చిన హామీలను నెరవేర్చాలన్న భావన మోదీలో కనపడలేదన్నారు.

న్యూఢిల్లీ, జనవరి 1: తెలంగాణ అసెంబ్లీ ఎన్నికల్లో ఓటమిని చవిచూసినట్లే 2019 లోక్‌సభ ఎన్నికల్లోనూ మహాకూటమికి ఓటమి తప్పదని ప్రధాని నరేంద్ర మోదీ చెప్పారు. నాలుగున్నర సంవత్సరాలుగా దేశాన్ని నిజాయితీ, చిత్తశుద్ధితో పరిపాలించాను.. ఇస్లామిక్ ఉగ్రవాదులు జమ్ముకశ్మీర్‌లోని ఉరి సైనిక క్షేత్రంలో మన సైనికులపై చేసిన దాడికి ప్రతీకారంగానే మెరుపు దాడి జరిగింది..

న్యూఢిల్లీ: మహాకూటమికి తెలంగాణ శాసనసభ ఎన్నికల ఫలితాలతో ఇప్పటికే బీటలు పడుతున్నాయని కేంద్ర మంత్రి అరుణ్‌ జైట్లీ విమర్శలు కురిపించారు. ప్రతి పక్ష నేతలది విఫలమైన ఆలోచనగా ఆయన అభివర్ణించారు. ఓ ఇంటర్వ్యూలో ఆయన మాట్లాడుతూ ప్రతిపక్షాలన్నీ కలిసి తెరాసను ఓడించాలనుకుని విఫలమయ్యాయి’ అని వ్యాఖ్యానించారు. ఇటువంటి ఫలితమే లోక్‌సభ ఎన్నికల్లోనూ వస్తుందని ఆయన అన్నారు.

సిక్కిం: మంచులో చిక్కుకుపోయిన ప్రయాణీకులను కాపాడటం కోసం సైనికులు పాటు పడటమే కాదు వారిని తమ శిబిరాలకు తరలించి వారు మాత్రం మంచులో నిద్రించిన సంఘటన ఇది. నాథులాం నుంచి సుమోంగో ప్రాంతానికి వెళుతున్న దాదాపు 2800 మంది ప్రయాణీకులు విపరీతంగా మంచు కురవటంతో చిక్కుకుపోయారు. వారిని సైనికులు రక్షించి శిబిరాలకు తరలించారు. అక్కడ వారికి తమ మంచాలను ఇచ్చి సైనికులు మంచులో నిద్రించారు.