లక్నో, డిసెంబర్ 31: యూపీఏ హయాంలో జరిగిన అగస్టా హెలికాప్టర్‌ల కొనుగోలు కుంభకోణంలో కాంగ్రెస్ నేతలకు రూ.150 కోట్లు లంచంగా అందిందని ఉత్తరప్రదేశ్ ముఖ్యమంత్రి యోగి ఆదిత్యనాథ్ ఆరోపించారు. ఆ ప్రభుత్వ హయాంలో అనేక కుంభకోణాలు జరిగాయని, కాంగ్రెస్ ప్రభుత్వం తన స్వార్థం కోసం దేశరక్షణను, పౌరుల భద్రతను పణంగా పెట్టిందని విమర్శించారు.

న్యూఢిల్లీ, డిసెంబర్ 31: చీఫ్ ఇన్ఫర్మేషన్ కమిషనర్‌గా సుధీర్ భార్గవను కేంద్రం నియమించింది. ఆయనతోపాటు నలుగురు కమిషనర్లను కూడా నియమించారు. భార్గవ ప్రస్తుతం ఇన్ఫర్మేషన్‌ను కమిషనర్‌గా విధులు నిర్వహిస్తున్నారు. దీనితో ఇన్ఫర్మేషన్ కమిషన్‌లో సభ్యుల సంఖ్య 11కు చేరింది. ఈ నియామకాలకు రాష్టప్రతి రామ్‌నాథ్ కోవింద్ సోమవారం ఆమోదముద్ర వేశారు.

న్యూఢిల్లీ: దేశంలోని కోట్లాది మంది ముస్లిం మహిళల ప్రయోజనాలు పరిరక్షించేందుకు ఉద్దేశించిన ట్రిపుల్ తలాక్ బిల్లుకు ప్రతిపక్షం మెజారిటీలో ఉన్న రాజ్యసభలో చుక్కెదురైంది. ట్రిపుల్ తలాక్ బిల్లును చేపట్టి చర్చ జరపకుండానే రాజ్యసభ బుధవారానికి వాయిదా పడింది. కేంద్ర న్యాయ శాఖ మంత్రి రవిశంకర్ ప్రసాద్ ట్రిపుల్ తలాక్ బిల్లును ప్రతిపాదించేందుకు కూడా ప్రతిపక్షం సభ్యులు ససేమిరా అంగీకరించలేదు.

న్యూఢిల్లీ, డిసెంబర్ 31: రాష్ట్ర విభజన చట్టంలో ఇచ్చిన హామీ మేరకు విశాఖపట్నం కేంద్రంగా ప్రత్యేక రైల్వే జోన్‌ను వెంటనే ఏర్పాటు చేయాలని తెలుగుదేశం సభ్యుడు అవంతి శ్రీనివాస్ డిమాండ్ చేశారు. శ్రీనివాస్ సోమవారం లోక్‌సభ జీరో అవర్‌లో మాట్లాడుతూ ఆంధ్రప్రదేశ్‌కు ప్రత్యేక రైల్వే జోన్ ఇస్తామంటూ రాష్ట్ర విభజన చట్టంలో ఇచ్చిన హామీని నిలబెట్టుకోరా అని కేంద్ర ప్రభుత్వాన్ని నిలదీశారు.