న్యూఢిల్లీ: రాఫెల్ డీల్‌కి సంబంధించి తాను ఎలాంటి అబద్ధమాడలేదు. ఇకపై ఆడను అని డసాల్డ్ ఏవియేషన్ సీఈఓ ఎరిక్ ట్రాపియర్ మరోసారి స్పష్టంచేశారు. ఆయన మీడియాతో మాట్లాడుతూ తనపై కాంగ్రెస్ పార్టీ అధ్యక్షుడు రాహుల్ గాంధీ చేసిన ఆరోపణలపై స్పందించారు. ఎన్నికల సమయంలో ఇలాంటి వివాదాలు రావటం సహజమేనని, తమ కంపెనీ ఇండియాతో కుదుర్చుకున్న తొలి ఒప్పందం కాంగ్రెస్ హయాంలోనే జరిగిందని అన్నారు.

వారణాసి: వారణాసి పుణ్యక్షేత్రం సర్వతోముఖ రీతిలో అభివృద్ధిని సంతరించుకుంటోదని ప్రధాని నరేంద్రమోదీ అన్నారు. సోమవారం నాడిక్కడ 2413 కోట్ల రూపాయలతో చేపట్ట తలపెట్టిన హైవేలు, ఇన్‌లాండ్ ప్రాజెక్టులను ప్రారంభించిన సందర్భంగా మోదీ మాట్లాడారు. గత ప్రభుత్వాల నిర్లక్ష్యం వల్ల ఈ అభివృద్ధి ఆగిపోయిందని, నిజానికి ఇది దశాబ్దాల క్రితమే జరిగి ఉండాల్సిందని ఆయన అన్నారు.

చిత్రం..పెద్ద నోట్ల రద్దు కారణంగా అభివృద్ధి కుంటుపడిందని, వృద్ధి రేటు ఆశాజనకంగా లేదని ఆరోపిస్తూ లక్నోలోని
గోమతీ నగర్ ఆర్‌బీఐ కార్యాలయం ముందు సోమవారం నిరసన ప్రదర్శన నిర్వహిస్తున్న కాంగ్రెస్ నాయకులు, కార్యకర్తలు.

శబరిమల (కేరళ), నవంబర్ 12: అన్ని వయసుల మహిళలు అయ్యప్ప దర్శనం చేసుకోవచ్చునని ఒకవైపు సుప్రీం కోర్టు ఉత్తర్వులు, మరోవైపు శబరిమల యాత్ర ప్రారంభం కావడానికి కేవలం ఆరు రోజులే ఉండటం కేరళ ప్రభుత్వం, శబరిమల ఆలయ నిర్వాహకులను ఉక్కిరిబిక్కిరి చేస్తోంది. వేలాదిమందిగా తరలివచ్చే అయ్యప్ప భక్తులకు కావాల్సిన సౌకర్యాలను కల్పించడం వారికి పెనుసవాల్‌గా మారింది.