చిత్రాలు.. చత్తీస్‌గఢ్ తొలి దశ పోలింగ్ సందర్భంగా నక్సల్ ప్రభావిత ప్రాంతమైన
సుక్మా జిల్లాలో ఓ చెట్టుకింద ఏర్పాటు చేసిన పోలింగ్ కేంద్రం
*సుక్మా జిల్లాలోని మరిగూడలో ఓటు వేసేందుకు వచ్చిన ఓ వృద్ధురాలిని పోలింగ్ కేంద్రానికి తీసుకువెళ్తున్న సీఆర్‌పీఎఫ్ సిబ్బంది

భోపాల్, నవంబర్ 12: మధ్యప్రదేశ్ అసెంబ్లీ ఎన్నికలకు సంబంధించి కాంగ్రెస్ పార్టీ మేనిఫెస్టోలో ఆర్‌ఎస్‌ఎస్‌ను నిషేధిస్తామని ఎక్కడా చెప్పలేదని, బీజేపీ ఓ పథకం ప్రకారం ప్రజలను తప్పుదోవ పట్టిస్తోందని పీసీసీ అధ్యక్షుడు కమల్‌నాథ్ స్పష్టం చేశారు. కాంగ్రెస్ మేనిఫెస్టోలోని అంశాలను బీజేపీ నేతలు వక్రీకరిస్తున్నారని సోమవారం ఇక్కడ విరుచుకుపడ్డారు.

న్యూఢిల్లీ: తెలంగాణ ఎన్నికల్లో కాంగ్రెస్ అభ్యర్థుల తొలి జాబితాను సోమవారం అర్థరాత్రి ప్రకటించారు. కాంగ్రెస్ అధినాయకత్వం పలు దఫాలు జరిపిన చర్చలు తరువాత 65 మంది పేర్లతో జాబితాను ఖరారు చేసింది. మంగళవారం నాడు జాబితా విడుదల చేస్తారని తొలుత వార్తలొచ్చిన సోమవారం పొద్దుపోయాక 65 మందితోకూడిన తొలి జాబితాను ప్రకటించారు. మిగతా నియోజకవర్గాలకు సంబంధించి జాబితాలను దశలవారీగా ప్రకటిస్తారు.

బెంగళూరు: బీజేపీ సీనియర్ నేత, కేంద్ర పార్లమెంటరీ వ్యవహారాల మంత్రి అనంత్‌కుమార్ సోమవారం బెంగళూరులోని ఓ ప్రైవేటు ఆసుపత్రిలో కన్నుమూశారు. ఆయన కొన్ని నెలలుగా ఊపిరితిత్తుల కేన్సర్‌తో బాధపడుతున్నారు. 59 ఏళ్ల కుమార్ సోమవారం తెల్లవారుజామున 2 గంటలకు తుదిశ్వాస విడిచారు. ఆయన చనిపోయే వరకూ భార్య తేజశ్వినీ, ఇద్దరు కుమార్తెలు పక్కనే ఉన్నారని శంకర ఆసుపత్రి వైద్యుడు నాగరాజా వెల్లడించారు.