హైదరాబాద్, జూలై 26: మాదకద్రవ్యాల కేసులో నోటీసు అందుకున్న ఐటెం సాంగ్ గర్ల్ ముమైత్ ఖాన్ గురువారం సిట్ ముందుకు హాజరుకానున్నారు. తెలుగు సినీ పరిశ్రమను కుదిపేస్తున్న డ్రగ్స్ వ్యవహారంలో బుధవారం నటి చార్మిని సిట్ బృందం విచారించిన విషయం తెలిసిందే. ఒక ఏఎస్పీ స్థాయి అధికారిణితోపాటు ముగ్గురు మహిళా అధికారులు ముమైత్‌ఖాన్‌ను విచారించనున్నట్టు సిట్ అధికారులు తెలిపారు.

న్యూఢిల్లీ, జూలై 26: రాష్ట్భ్రావృద్ధికి అవసరమైన రక్షణ శాఖ భూములను బదలాయించేందుకు ప్రధాని నరేంద్ర మోదీ సుముఖత వ్యక్తం చేశారని సిఎం కె చంద్రశేఖర్ రావు వెల్లడించారు. సచివాలయ నిర్మాణం, రహదార్ల విస్తరణకు అవసరమైన భూములను బదలాయించేందుకు అవసరమైన ప్రక్రియను స్వయంగా తానే పర్యవేక్షిస్తానని కూడా హామీ ఇచ్చారని చెప్పారు. బుధవారం కేంద్ర మంత్రులతో పాటు ప్రధాని నరేంద్ర మోదీని విడివిడిగా కలిశారు.

హైదరాబాద్, జూలై 26: ‘డ్రగ్స్ గురించి నాకు తెలీదు. షూటింగ్ విరామం, పేకప్ తరువాత కొందరు డ్రిక్స్ తీసుకునేవారు. అందులో మత్తు పదార్థాలు మిళితమై ఉండేవేమో.. స్పష్టంగా తెలీదు’ అంటూ విచారణలో సినీ నటి చార్మి వాంగ్మూలమిచ్చినట్టు సమాచారం. డ్రగ్స్ కేసులో బుధవారం హీరోయిన్ చార్మికౌర్‌ను సిట్ బృందం విచారించింది. కోర్టు ఆదేశాలమేర ఉదయం 10:30కు మొదలైన విచారణ సాయంత్రం 4:45కు ముగించింది సిట్ బృందం.

ఖమ్మం, జూలై 26: ఆర్థిక ఇబ్బందులు తాళలేక కుటుంబాన్ని అంతం చేసి తానూ ఆత్మహత్యకు పాల్పడ్డాడు ఓ కుటుంబంలోని పెద్ద కొడుకు. ఖమ్మం జిల్లా జీళ్లచెరువు గ్రామంలో ఈ దుర్ఘటన సంచలనమైంది. కుటుం బ సమస్యలను తట్టుకోలేక తల్లితండ్రులు, భార్య, కూతుళ్లును మట్టుబెట్టి పాలేరు రిజర్వాయర్ కాల్వలోకి తోసేశాడు. అనంతరం తానూ ఆత్మహత్య కు పాల్పడ్డాడు. ఆరుగురి మృతదేహాలు పాలేరు రిజర్వాయర్ కాలువలో బుధవారం ఉదయం బయటపడ్డాయి.