గద్వాల: ఎగువ ప్రాంతంలోని ఆల్మట్టి జలాశయానికి గత వారం రోజులుగా వస్తున్న వరద నీటి ఉద్ధృతి రోజు రోజుకు పెరుగుతోంది. సోమవారం ఎగువ ప్రాంతం నుండి ఆల్మట్టి జలాశయానికి 1,42,325 క్యూసెక్కుల వరద నీరు వచ్చి చేరుతుండడంతో ప్రాజెక్టు వద్ద కృష్ణమ్మ పరవళ్లు తొక్కుతోంది. ఎగువ ప్రాంతం నుండి వస్తున్న వరద నీటిని సద్వినియోగం చేసుకుంటూ అక్కడి అధికారులు పూర్తిస్థాయి నీటి మట్టాన్ని పెంచుకుంటున్నారు.

హైదరాబాద్, జూలై 24: మాదకద్రవ్యాల కేసులో రోజుకో కొత్తకోణం వెలుగుచూస్తోంది. ఎక్సైజ్ శాఖ సిట్ అధికారులు సినీ నటుడు నవదీప్‌ను సుదీర్ఘంగా విచారించారు. ఈ కేసులో వరుసగా నాలుగు రోజులు సినీ ప్రముఖులను విచారించిన సిట్ అధికారులు ఆదివారం విరామం ఇచ్చారు.

హైదరాబాద్, జూలై 24: హైదరాబాద్‌లో మాదకద్రవ్యాల వ్యవహారం సంచలనం సృష్టించిన నేపథ్యంలో మరో డ్రగ్ ముఠా పట్డుబడింది. సోమవారం ఐదుగురు నైజీరియన్లను పోలీసులు అరెస్టు చేశారు. వారి వద్ద నుంచి భారీగా డ్రగ్స్ స్వాధీనం చేసుకున్నారు. ఒక వైపు డ్రగ్స్ కేసు విచారణ జరుగుతుండగానే మరో డ్రగ్ ముఠా పట్టుబడడం కలకలం రేపుతోంది.

హైదరాబాద్జూ: డ్రగ్స్ మాఫియా కేసులో విచారణ పారదర్శకంగా సాగుతోందని, సినీ పరిశ్రమను టార్గెట్ చేయడంలేదని రాష్ట్ర ఎక్సైజ్ కమిషనర్ ఆర్‌వి చంద్రవదన్ స్పష్టం చేశారు. మాదక ద్రవ్యాల వినియోగ పరీక్షల కోసం బలవంతంగా రక్తనమూనాలు, వెంట్రుకలు సేకరించడం లేదన్నారు. నోటీసులు అందుకుని విచాణకు వచ్చినవారి అంగీకారంతోనే రక్త నమూనాలు సేకరించడం జరుగుతుందని చంద్రవదన్ పునరుద్ఘాటించారు.