హైదరాబాద్, సెప్టెంబర్ 20: తెలంగాణలో నిర్వహించబోయే గ్రూప్-2 స్థాయి పోస్టుల ఎంపిక పరీక్ష షెడ్యూలులో పబ్లిక్ సర్వీసు కమిషన్ స్వల్ప మార్పులు చేసింది. గతంలో ప్రకటించిన షెడ్యూలు ప్రకారం నవంబర్ 12, 13 తేదీల్లో నిర్వహించాల్సి ఉన్నా, అదే రోజు ఇండియన్ ఫారెస్టు సర్వీసు ఎంపిక పరీక్షను యుపిఎస్‌సి నిర్వహిస్తుండటంతో షెడ్యూలులో మార్పులు చేసినట్టు కమిషన్ కార్యదర్శి పార్వతి సుబ్రమణియన్ చెప్పారు.

హైదరాబాద్, సెప్టెంబర్ 20:మిషన్ భగీరథ పథకానికి రుణాలు ఇవ్వడానికి పలు బ్యాంకులు ముందుకు వచ్చాయి. పంచాయితీరాజ్ స్పెషల్ సిఎస్ మిషన్ భగీరథ మేనేజింగ్ డైరెక్టర్ ఎస్పీసింగ్‌ను బ్యాంక్ ఆఫ్ ఇండియా, యూనియన్ బ్యాంక్ ఆఫ్ ఇండియా ఉన్నతాధికారులు వేరువేరుగా మంగళవారం కలిశారు. మిషన్ భగీరథకు 2270 కోట్ల రూపాయల రుణం ఇవ్వనున్నట్టు బ్యాంక్ ఆఫ్ ఇండియా తెలంగాణ జోనల్ మేనేజర్ విశ్వనాథ్ తెలిపారు.

హైదరాబాద్, సెప్టెంబర్ 19: మిషన్ భగీరథ పథకం అమలుకు రెండువేల కోట్ల రూపాయల రుణం ఇచ్చేందుకు యూకో బ్యాంక్ అంగీకరించింది. హైదరాబాద్‌లోని ఆర్‌డబ్ల్యుయస్ ప్రధాన కార్యాలయంలో ఇఎన్‌సి సురేందర్‌రెడ్డిని యూకో బ్యాంకు హైదరాబాద్ రీజినల్ ఆఫీస్ జనరల్ మేనేజర్ వెంకటేశ్ కలిసి రెండువేల కోట్ల రూపాయల రుణం ఇవ్వడానికి అంగీకరించారు.

భద్రాచలం, సెప్టెంబర్ 19: ఖమ్మం జిల్లాలోని దండకారణ్యం ముఖద్వారం దుమ్ముగూడెం మండలం శివారులో చత్తీస్‌గఢ్ సరిహద్దుల్లో మరో సిఆర్‌పిఎఫ్ బెటాలియన్‌ను ఏర్పాటు చేసేందుకు కేంద్ర హోం శాఖ సన్నాహాలు ప్రారంభించింది. ఇప్పటికే ఈ బెటాలియన్‌కు కేంద్రం గ్రీన్‌సిగ్నల్ ఇచ్చిన నేపథ్యంలో అనువైన స్థలానే్వషణలో భాగంగా పరిశీలనకు సిఆర్‌పిఎఫ్ ఐజీ సదానంద ధాతే సోమవారం భద్రాచలం మన్యంలో పర్యటించారు.