హైదరాబాద్, ఫిబ్రవరి 12: ఆంధ్రప్రదేశ్ తాత్కాలిక సచివాలయం భవనాల నిర్మాణానికి సంబంధించి రేటు కుదరకపోవడంతో శుక్రవారం సిఎం చంద్రబాబు వేయాల్సిన ఫౌండేషన్ స్టోన్ కార్యక్రమం వాయదాపడింది. శుక్రవారం రాష్ట్ర సచివాలయంలో ఉన్నతస్థాయి సమావేశం జరిగింది. రెండు మూడు రోజుల్లో టెండర్లు ఖరారు చేస్తామని మున్సిపల్ వ్యవహారాల ముఖ్యకార్యదర్శి అజయ్ జైన్ తెలిపారు.

శ్రీకాకుళం, ఫిబ్రవరి 12: మిగిలిన జిల్లా కేంద్రాలతో సమానంగా శ్రీకాకుళం, మచిలీపట్నం, చిత్తూరుల్లోనూ రాష్ట్ర ప్రభుత్వ ఉద్యోగులకు ఇంటి అద్దె భత్యాన్ని (హెచ్‌ఆర్‌ఎ) పెంచుతున్నట్టు సిఎం చంద్రబాబు ప్రకటించారు. ఈ మూడు ప్రాంతాల్లో ప్రస్తుతం 14.5 శాతమున్న హెచ్‌ఆర్‌ఎను 20శాతం చేయనున్నట్టు ప్రకటించారు. అలాగే మహిళా ఉద్యోగులకు చైల్డ్‌కేర్ సెలవును 60 రోజుల ముందునుంచే ప్రారంభిస్తున్నట్టు వెల్లడించారు.

హైదరాబాద్, ఫిబ్రవరి 11: విశాల ప్రజా ప్రయోజనాలను ఆశించే పిటిషన్లను మాత్రమే ప్రజా వ్యాజ్యాలుగా స్వీకరించాలనే ఉద్దేశంతో కొత్త నిబంధనలను ఖరారు చేసినట్లు హైకోర్టు ధర్మాసనం పేర్కొంది. పిల్స్‌పై రూపొందించిన కొత్త మార్గదర్శకాలపై స్టే ఇవ్వాలని కోరుతూ కె శ్రావణ్‌కుమార్ దాఖలుచేసిన పిటిషన్‌ను హైకోర్టు డిస్మిస్ చేసింది.

హైదరాబాద్ : ఏపి ప్రభుత్వానికి ముచ్చెమటలు పట్టించిన కాపు రిజర్వేషన్ ఆందోళన-దాని పర్యవసానాలు, ప్రభుత్వం తరఫున ఇప్పటికే తీసుకున్న చర్యలతో పాటు భవిష్యత్తులో ఏం చేయాలన్నదానిపై చర్చించేందుకు ఈ నెల 15 న ప్రత్యేకంగా క్యాబినెట్ సమావేశం ఏర్పాటవుతోంది. మంత్రివర్గ సమావేశాన్ని ప్రత్యేక సమావేశం అనకపోయినప్పటికీ, చర్చంతా కాపు రిజర్వేషన్‌పైనే ఉంటుందని విశ్వసనీయ సమాచారం వల్ల తెలిసింది.