తిరుపతి, డిసెంబర్ 25: తిరుపతి నుంచి షిర్డీకి రైలు కావాలనుకున్న సాయి భక్తుల కల నెరువేరుతోంది. ప్రతి మంగళవారం తిరుపతి నుంచి షిర్డీకి, ప్రతి బుధవారం షిర్డీ నుంచి తిరుపతికి నడిచే రైలును రైల్వే శాఖ మంత్రి ప్రభు ప్రారంభించనున్నట్టు రైల్వే శాఖ రీజనల్ ఆఫీసర్ సత్యనారాయణ శుక్రవారం ఓ ప్రకటనలో తెలిపారు. 26వ తేదీ సాయంత్రం 07417 నెంబరు గల రైలు సాయంత్రం 4.30 నిమిషాలకు తిరుపతిలో ప్రారంభిస్తారు.

హైదరాబాద్, డిసెంబర్ 25: తమ పార్టీ జాతీయ నాయకుడు, మాజీ ప్రధాని ఎబి వాజ్‌పేయి స్పూర్తితో పెన్షన్లు, గృహ నిర్మాణం వంటి ఎన్నో సంక్షేమ పథకాలను కేంద్ర ప్రభుత్వం చేపడుతున్నదని కేంద్ర కార్మిక, ఉపాధి కల్పనా శాఖ మంత్రి బండారు దత్తాత్రేయ తెలిపారు. శుక్రవారం వాజ్‌పేయి జన్మదినాన్ని పురస్కరించుకుని బిజెపి రాష్ట్ర శాఖ పేదలకు దుస్తులు, వికలాంగులకు త్రిచక్ర వాహనాలను పంపిణీ చేసింది.

భీమవరం/ ఆకివీడు, డిసెంబర్ 25: లోకా స్సమస్తా సుఖినోభవంతు అనే సిద్ధాంతాన్ని వేదాలు ప్రవచించాయని, విశ్వమానవ సౌభ్రాతృత్వానికి వేదాలు ప్రతీకలని రాష్టప్రతి ప్రణబ్ ముఖర్జీ పేర్కొన్నారు. పశ్చిమగోదావరి జిల్లా భీమవరం సమీపంలోని ఆకివీడు మండలం ఐ భీమవరం గ్రామంలో తిరుమల తిరుపతి దేవస్ధానం రూ 4.75 కోట్లతో నిర్మించిన శ్రీ వేంకటేశ్వర వేదపాఠశాలను శుక్రవారం రాష్టప్రతి ప్రారంభించారు.

హైదరాబాద్, డిసెంబర్ 25: అమరావతి రాజధాని నిర్మాణ సమగ్ర ప్రణాళిక నోటిఫికేషన్ ఆదివారం లేదా వచ్చే మంగళవారం విడుదలకానుంది. నోటిఫికేషన్ ఆధారంగా ప్రజల నుంచి అభిప్రాయాలు, సలహాలు, సూచనలను ప్రభుత్వం స్వీకరించనుంది. అనంతరం సమగ్ర ప్రణాళికను ప్రభుత్వం ఎండార్స్ చేయనుంది. ప్రక్రియ ముగిసిన తర్వాతనే భూములు ఇచ్చిన రైతులకు ప్లాట్లు కేటాయింపు జరుగుతుంది.