* కుటుంబ కలహాలతో మేనమామ ఘాతుకం
విశాఖ జిల్లా దేవరాపల్లి మండలంలో అదృశ్యమైన ఏడేళ్ల బాలిక దారుణహత్యకు గురయింది. దేవరాపల్లికి చెందిన ఏడేళ్ల బాలిక వేపాడ దివ్య రెండురోజుల క్రితం అపహరణకు గురయింది. గురువారం బాలిక మృతదేహం ఊరికి దూరంగా క్వారీలో బయటపడింది. బాలిక గొంతు కోసి దారుణంగా హత్య చేశారు. కుటుంబ కలహాలతో బాలిక మేనమామ గుణశేఖర్ ఈ ఘాతుకానికి పాల్పడినట్టు పోలీసుల విచారణలో వెల్లడయింది.

* సిపిఐ రాష్ట్ర కార్యదర్శి రామకృష్ణ
విజయవాడ: అసెంబ్లీలో ప్రభుత్వం ఏకపక్ష నిర్ణయాలు తీసుకుంటోందని సిపిఐ రాష్ట్ర కార్యదర్శి రామకృష్ణ విమర్శించారు. స్థానిక విలేఖర్లతో ఆయన మాట్లాడుతూ అంగన్‌వాడీల సమస్యలపై జనవరి మొదటి వారం నుండి ఉద్యమం తీవ్రతరం చేస్తామని ఆయన హెచ్చరించారు.

గుంటూరు: ఆర్టీసీ బస్సుల్లో తాజాగా ఏర్పాటు చేసిన సమాచార వ్యవస్థ భారాన్ని సంస్థ యాజమాన్యం ప్రయాణికులపై వేయాలని నిర్ణయించింది. ఎక్స్‌ప్రెస్, సూపర్ లగ్జరీ, ఎసి బస్సుల్లో ప్రయాణించే వారిపై రూపాయి అదనంగా వేయాలని ఆర్టీసీ నిర్ణయించింది.

*అయిభీమవరంలో వేద పాఠశాలకు ప్రారంభోత్సవం
రాష్టప్రతి ప్రణబ్ ముఖర్జీ శుక్రవారం పశ్చిమ గోదావరి జిల్లాకు వస్తున్నారు. ఆకివీడు మండలం అయిభీమవరం గ్రామంలో తిరుమల తిరుపతి దేవస్థానం (టిటిడి) నిర్మించిన వేద పాఠశాలను రాష్టప్రతి ప్రారంభిస్తారు. ఈ కార్యక్రమంలో ముఖ్యమంత్రి చంద్రబాబునాయుడు పాల్గొంటారు.