కర్నూలు: కర్నూలు కలెక్టర్ విజయమోహన్ బదిలీపై జిల్లా వ్యాప్తంగా ఉద్యోగులు, వివిధ రాజకీయ పార్టీల్లో చర్చ జోరందుకుంది. ప్రభుత్వ కార్యాలయాలు, రాజకీయ పార్టీల నేతలు, కార్యకర్తలు సహా అంతా కలెక్టర్ ఎపుడు బదిలీ అవుతారంటూ ప్రశ్నించుకుంటున్నారు. 2014 జూలై చివరి వారంలో జిల్లాకు కలెక్టర్‌గా వచ్చిన విజయమోహన్ వ్యవహార శైలిపై ఉద్యోగులు తీవ్ర అసంతృప్తితో ఉన్నారు.

హైదరాబాద్, డిసెంబర్ 23: అమెరికాలో భారతీయ విద్యార్ధులు చదువుతున్న ఏ విశ్వవిద్యాలయం బ్లాక్‌లిస్టు కాలేదని, ఇమిగ్రేషన్ సమస్యలతోనే భారతీయ విద్యార్ధులు ఇబ్బందులు పడుతున్నారని అమెరికాకు చెందిన పలు వర్శిటీలు ప్రకటించాయి. సిలికాన్ వ్యాలీ యూనివర్శిటీ, నార్త్ వెస్ట్రన్ పాలిటెక్నిక్ యూనివర్శిటీలు సైతం బ్లాక్ లిస్టును ఖండించాయి.

గుంటూరు, డిసెంబర్ 23: విద్య నేర్పించటం, వైద్యం అందించటం, పేదలను ఆదుకోవటం లాంటి సేవా కార్యక్రమాల్లో క్రిస్టియన్లు ఎప్పుడూ ముందుంటారని, వారు కలిసివస్తే పేదరిక నిర్మూలన కోసం పనిచేసేందుకు ప్రభుత్వం ముందుంటుందని ముఖ్యమంత్రి చంద్రబాబు అన్నారు. గుంటూరు జిల్లా అడవితక్కెళ్లపాడులో బుధవారం క్రిస్మస్ వేడుకలను ప్రారంభించిన ఆయన 10 కోట్ల రూపాయలతో నిర్మించనున్న క్రిస్టియన్ భవనానికి శంకుస్థాపన చేశారు.

హైదరాబాద్, డిసెంబర్ 23: అసెంబ్లీలో వైకాపా వ్యవహరించిన తీరు రాజ్యాంగ విలువలకు భంగం కలిగించేలా ఉందని టిడిపి నేత డొక్కా మాణిక్యవర ప్రసాదరావు ధ్వజమెత్తారు. ఎన్టీఆర్ ట్రస్టు భవన్‌లో ఆయన బుధవారం పాత్రికేయులతో మాట్లాడుతూ అసెంబ్లీ ప్రొసీడింగ్స్‌కు అడుగడుగునా ప్రతిపక్షం అడ్డుతగలడం చాలా బాధాకరమని అన్నారు.