సామర్లకోట, జూలై 24: రాష్ట్రానికి ప్రత్యేక హోదా జీవన్మరణ సమస్య అని, కేంద్ర, రాష్ట్ర ప్రభుత్వాలు ఎన్ని కుట్రలు పన్నినా ప్రత్యేక హోదా కోసం పోరాటం కొనసాగిస్తామని వైకాపా అధ్యక్షుడు వైఎస్ జగన్మోహనరెడ్డి స్పష్టంచేశారు. ప్రత్యేక హోదా, విభజన హామీలు అమలు డిమాండుతో తమ పార్టీ ఇచ్చిన రాష్ట్ర బంద్‌కు సహకరించాల్సింది పోయి ముఖ్యమంత్రి చంద్రబాబు పోలీసులతో అణిచివేతకు పాల్పడ్డారని ఆరోపించారు.

హైదరాబాద్, జూలై 24: ఆదాయపన్ను సక్రమంగా చెల్లించి దేశాభివృద్థిలో ప్రతి ఒక్కరూ భాగస్వామ్యం కావాలని గవర్నర్ నరసింహన్ పిలుపు నిచ్చారు. మంగళవారం హైదరాబాద్‌లో నిర్వహించిన 158వ ఇన్‌కం టాక్స్‌డే వేడుకలకు ఆయన ముఖ్య అతిధిగా హాజరయ్యారు. దేశంలోని వనరులను వాడుకుంటూ వాటి ద్వారా ఆదాయం పొందుతున్న వారందరూ పన్ను చెల్లించడం తప్పని సరి అని స్పష్టం చేశారు.

హైదరాబాద్, జూలై 24: రాష్ట్ర ప్రభుత్వం త్వరలో అమలులోకి తీసుకురానున్న రైతు బీమా పథకం పట్ల రైతన్నలు అంతగా ఆసక్తికనబర్చడం లేదు. రాష్టవ్య్రాప్తంగా 48 లక్షల మంది రైతులు రైతుబంధు చెక్కులు అందుకున్నారు. రైతులందరినీ పథకం పరిధిలోకి తీసుకువచ్చి ఆగస్టు 15న సీఎం కేసీఆర్ చేతుల మీదుగా బీమా పత్రాలు అందజేయాలని నిర్ణయించారు. ఇప్పటి వరకు రైతు బీమా పథకం కింద 26.38 లక్షల మంది రైతులు మాత్రమే దరఖాస్తు చేసుకున్నారు.

హైదరాబాద్, జూలై 24: పెరుగుతున్న ప్రయాణికుల రద్దీని దృష్టిలో ఉంచుకొని కాచిగూడ-కృష్టరాజాపురంల మధ్య 26 ప్రత్యేక రైళ్లను నడిపాలని దక్షణ మధ్య రైల్వే నిర్ణయించింది. 07603/07604 నెంబర్ గల ట్రైన్లు ఈ రెండు స్టేషన్ల మధ్య రాకపోకలు సాగించనున్నాయి. ఆగస్టు 5 నుంచి అక్టోబర్ 28 వరకు ప్రతి ఆదివారం కాచిగూడలో సాయంత్రం 6గంటలకు బయలు దేరి మరుసటి రోజు ఉదయం 6 గంటలకు బెంగళూరుకు సమీపంలోని కృష్ణరాజాపురంకు చేరుకుంటోంది.