హైదరాబాద్, జూలై 26: పెరుగుతున్న ప్రయాణికుల రద్దీని దృష్టిలో ఉంచుకొని యశ్వంత్‌పూర్ - విశాఖపట్నంల మధ్య 18 ప్రత్యేక రైళ్లను నడిపాలని దక్షణ మధ్య రైల్వే నిర్ణయించింది. 06579/06580 నెంబర్లు గల ట్రైన్లు ఈ రెండు స్టేషన్ల మధ్య రాకపోకలు సాగించనున్నాయి.

రేణిగుంట, జూలై 26: తెలుగు రాష్ట్రాల్లో తనకు ఏ పార్టీతో ప్రమేయం లేదని, అయితే ఏ పార్టీ ప్రజలకు మంచి చేస్తుందో ఆ పార్టీ నాది అని, ఎవరు మంచి చేస్తే వారి వెనుక నిలబడతానని పరిపూర్ణానంద స్వామి వెల్లడించారు.

కరీంనగర్, జూలై 26: రహదారులపై లారీల రాకపోకలు నిలిచిపోయి ఆరు రోజులు గడిచింది. ఏడవ రోజు అడుగిడుతోంది. లారీలు ఎక్కడికక్కడే నిలిచిపోయి సరుకుల రవాణాపై ప్రభావం చూపుతుండగా, సామాన్యులకు క్రమేణా కష్టాలు పెరుగుతున్నాయి. సమ్మె ప్రభావంతో నిత్యావసర ధరలు మోత మోగిస్తున్నాయి. సమ్మె ఇలాగే కొనసాగితే ధరలు మరింత దరువేసే అవకాశాలున్నాయి. పెట్రోల్ బంక్‌లు ఒక్కక్కటిగా నో స్టాక్ బోర్డులు పెడుతున్నాయి.

సింహాచలం, జూలై 26: ఆషాఢ పౌర్ణమి ఉత్సవంలో భాగంగా శ్రీ వరాహలక్ష్మీ నృసింహస్వామి వారి దేవస్థానంలో జరిగే సింహగిరి ప్రదక్షిణకు భక్తులు పోటెత్తారు. అధికారుల అంచనాలకు తగ్గట్టుగానే భక్తులు లక్షలాదిగా తరలివచ్చి గిరి ప్రదక్షిణ ప్రారంభించారు. మంత్రి గంటా శ్రీనివాసరావు జెండా ఊపి గురువారం మధ్యాహ్నం రెండు గంటల ఇరవై నిమిషాలకు రథ ప్రదక్షిణను అధికారికంగా ప్రారంభించారు.