కాళ్ల, జూలై 25: రాజకీయాల్లో విలువలను నెలకొల్పడానికే తాను ఈ రంగంలోకి వచ్చానని, సమాజానికి సైనికుల మాదిరిగా రక్షణ కల్పించేదిగా ఉండాలనే తాను స్థాపించిన పార్టీకి ‘జనసేన’ అని పేరు పెట్టానని జనసేన అధినేత పవన్ కళ్యాణ్ అన్నారు. సమాజంలో మార్పు తీసుకువస్తాననే భయంతోనే వైసీపీ, టీడీపీ, బీజేపీ ఇలా ఇంతమంది కలిసి తనపై నోరు పారేసుకుంటున్నారన్నారు.

కడప, జూలై 25: కేంద్రంలో, రాష్ట్రంలో కాంగ్రెస్ పార్టీ తిరిగి అధికారంలోకి వస్తుందని కాంగ్రెస్ పార్టీ రాష్ట్ర వ్యవహారాల ఇన్‌చార్జి ఊమెన్ చాందీ ధీమా వ్యక్తం చేశారు. బీజేపీ, కాంగ్రెస్ పార్టీల మధ్య తేడాను ప్రజలు క్రమం గా గుర్తిస్తున్నారని ఆయన అన్నారు.

తిరుపతి, జూలై 25: చంద్రగ్రహణం కారణంగా ఈనెల 27న తిరుమల శ్రీవారి ఆలయం మూసివేస్తారు. ఆరోజు సాయంత్రం 5 నుంచి మరుసటిరోజు తెల్లవారుజామున 4.15 గంటల వరకు తిరుమల శ్రీ వేంకటేశ్వర స్వామివారి ఆలయం మూసివేయనున్నారు. 28న సంప్రోక్షణ అనంతరం శనివారం ఉదయం 7 గంటలకు భక్తులను సర్వదర్శనానికి అనుమతించనున్నారు. 27న శుక్రవారం రాత్రి 11.54 గంటలకు చంద్రగ్రహణం ప్రారంభమై 28న శనివారం ఉదయం 3.49 గంటలకు పూర్తవుతుంది.

హైదరాబాద్, జూలై 25: కాంగ్రెస్ పార్టీ అసెంబ్లీ ఎన్నికలకు రంగం సిద్ధం చేసుకుంటున్నది. అందులో భాగంగానే తమ పార్టీ ప్రాతినిథ్యం వహించని నియోజకవర్గాలపై దృష్టి సారిస్తున్నది. కాంగ్రేసేతర నియోజకవర్గాల రాజకీయ పరిస్థితులు ఏమిటీ?, అక్కడి ఇతర పార్టీల సిట్టింగ్ ఎమ్మెల్యేలపై ప్రజాభిప్రాయం ఎలా ఉంది?, ఆయా నియోజకవర్గాల్లో అభివృద్ధి, సంక్షేమ కార్యక్రమాలు ఎలా సాగుతున్నాయి?, పార్టీ బలం, బలహీనతలు ఏమిటీ?