హైదారాబాద్, నవంబర్ 10: సమ్మె చేస్తున్న ఆర్టీసీ కార్మికులను చర్చలకు పిలవకుండా కాలాపహరణం చేస్తున్న ముఖ్యమంత్రి కేసీఆర్ ప్రభుత్వానికి ఈ సమ్మె ఉచ్చుగా మారుతుందని బీజేపీ రాష్ట్ర అధ్యక్షుడు డాక్టర్ లక్ష్మణ్ హెచ్చరించారు. ఆదివారం ఇక్కడ ఆయన విలేఖర్ల సమావేశంలో మాట్లాడుతూ, తమ డిమాండ్ల కోసం శాంతి యుతంగా ఆందోళన చేస్తున్న ఆర్టీసీ కార్మికుల పట్ల శనివారం పోలీసులు విచక్షణ రహితంగా దాడులు చేయడం దారుణమన్నారు.

హైదరాబాద్, నవంబర్ 10: పార్లమెంట్ సభ్యుడు జోగినపల్లి సంతోష్ కుమార్ విసిరిన గ్రీన్ చాలెంజ్‌కు ఇతర దేశాల్లో స్పందన వస్తోంది. సంతోష్ కుమార్ విసిరిన గ్రీన్ చాలెంజ్‌ను టీఆర్‌ఎస్ ఆస్ట్రేలియా శాఖ అధ్యక్షుడు కాసర్ల నాగేందర్ స్వీకరించి మొక్కలు నాటారు. నాగేందర్ విసిరిన గ్రీన్ చాలెంజ్‌ను ఆస్ట్రేలియా డిప్యూటీ మినిస్టర్ జాసన్ వుడ్ స్వీకరించి మొక్కలు నాటారు.

హైదరాబాద్, నవంబర్ 10: విశ్రాంత ఐఏఎస్ పీఎస్ కృష్ణన్ మృతి పట్ల రాష్ట్ర ముఖ్యమంత్రి కేసీఆర్ ప్రగాఢ సంతాపాన్ని వ్యక్తం చేశారు. కృష్ణన్ సామాజిక సంక్షేమ విధానాల రూపకల్పనలో కృష్ణన్ ఎనలేని కృషి చేశారని కేసీఆర్ గుర్తు చేశారు. కొత్తతరం ఐఏఎస్ అధికారులు కృష్ణన్ విధానాలపై అవగాహన పెంచుకోవాలని సీఎం సూచించారు. కృష్ణన్ కుటుంబానికి సీఎం సానుభూతిని తెలిపారు.

కరీంనగర్, నవంబర్ 10: తెలంగాణ రాష్ట్రంలోని 33 జిల్లాల్లో జిల్లాకో రూ.25 కోట్లతో కొత్తగా పోలీస్ కార్యాలయ భవన నిర్మాణాలు, ట్రెజరీ ఆఫీస్‌ల ఆధునీకరణ, పోలీస్ బలోపేతానికి రూ.375 కోట్లతో కొత్త వాహనాల కొనుగోలుకు కేటాయం చామని, ప్రగతి పథంలో మరో రూ.100 కోట్ల పనులున్నాయని పోలీస్ హౌసింగ్ కార్పొరేషన్ చైర్మన్ కోలేటి దామోదర్ అన్నారు.