హైదరాబాద్, నవంబర్ 12: మిషన్ భగీరథ పెద్ద కుంభకోణమని రాష్ట్ర బీజేపీ నేతలు ఒకవైపు ఆరోపణలు చేస్తుండగా, ఈ పథకాన్ని దేశవ్యాప్తంగా అమలు చేస్తామని కేంద్ర జల వననరులశాఖ మంత్రి గజేంద్ర సింగ్ షెకావత్ ప్రకటించడం హాస్యాస్పదంగా ఉందని శాసనసభలో కాంగ్రెస్ పక్షం నాయకుడు భట్టి విక్రమార్క ఎద్దేవా చేశారు. కేంద్ర మంత్రి వ్యాఖ్యలు చూస్తుంటే దేశవ్యాప్తంగా కుంభకోణాన్ని విస్తరించేటట్టుగా ఉందని భట్టి విమర్శించారు.

హైదరాబాద్, నవంబర్ 12: అబ్దుల్లాపూర్‌మెట్ తహశీల్దార్ సజీవ దహనం ఘటనలో తీవ్రంగా గాయపడిన అటెండర్ చంద్రయ్య ఆరోగ్య పరిస్థితి విషమంగా ఉన్నట్లు తెలుస్తోంది. అతడిని డీఆర్‌డీవో అపోలో ఆసుపత్రి నుంచి ఒవైసీ ఆసుపత్రికి తరలించారు. తహశీల్దార్ విజయారెడ్డిపై రైతు సురేశ్ దాడి చేసిన సమయంలో అటెండర్ చంద్రయ్య ఆమెను కాపాడే ప్రయత్నం చేశాడు. ఈ క్రమంలో చంద్రయ్య గాయపడ్డాడు.

హైదరాబాద్, నవంబర్ 12: తెలంగాణ ప్రభుత్వం అమలుచేస్తున్న మిషన్ భగీరధ, మిషన్ కాకతీయ పథకాలను క్షేత్ర స్థాయిలో అధ్యయనం చేయాల్సి ఉందని కేంద్ర జలశక్తి మంత్రి గజేంద్రసింగ్ షెకావత్ పేర్కొంటే, అందుకు భిన్నంగా తెలంగాణ పథకాలను కేంద్ర మంత్రి మెచ్చుకున్నట్టు పత్రికల్లో రావడంపై బీజేపీ వివరణ ఇచ్చింది.

హైదరాబాద్, నవంబర్ 12: ఆర్టీసీ కార్మికులతో ప్రభుత్వం చర్చల ప్రక్రియను కొనసాగించాలని వామపక్ష పార్టీల నేతలు మంగళవారం నాడు ప్రభుత్వాన్ని కోరారు. ఆర్టీసీ సమ్మె పరిష్కారానికి అనేక రకాలుగా హైకోర్టు ప్రయత్నిస్తున్నా పరిష్కారం లభించకపోవడం బాధాకరమని సీపీఐ రాష్ట్ర కార్యదర్శి చాడ వెంకటరెడ్డి పేర్కొన్నారు.