హైదరాబాద్, అక్టోబర్ 2: చేతికి గాయమైన వైఎస్సార్ కాంగ్రెస్ పార్టీ అధ్యక్షుడు, ఏపీ అసెంబ్లీలో ప్రతిపక్ష నేత వైఎస్ జగన్మోహన్ రెడ్డి మరో 15 రోజుల పాటు విశ్రాంతి తీసుకోవాల్సిన అవసరం ఉందని వైద్యులు చెబుతున్నారు. దీపావళి పండుగ తర్వాత 10వ తేదీ నుంచి ప్రజా సంకల్ప యాత్ర చేపట్టాలనుకుంటున్న జగన్‌కు డాక్టర్లు ఈ మేరకు సూచన చేశారు.

హైదరాబాద్: ఆంధ్రప్రదేశ్ ముఖ్యమంత్రి జలగం వెంగళరావు కుమారుడు, మాజీ మంత్రి జలగం ప్రసాదరావు టీఆర్‌ఎస్‌లో చేరనున్నారు. పార్టీ క్రమశిక్షణను ఉల్లంఘించారని గతంలో కాంగ్రెస్ ఆయనను సస్పెన్షన్ చేసింది. ఆ సస్పెన్షన్‌ను ఎత్తివేస్తూ పార్టీ ప్రకటన చేసినప్పటికీ ఆయన టీఆర్‌ఎస్‌లో చేరుతున్నట్లు ప్రకటించారు.

హైదరాబాద్, నవంబర్ 1: తెలంగాణలో విద్యుత్ లోటును పూడ్చడానికి అధికారులు కసరత్తు ప్రారంభించారు. విద్యుత్ లోటు ఉత్తత్తికేంద్రాలపై పెనుభారంగా మారింది. రాష్ట్రంలో రెండు రోజుల క్రితం గతంలో ఎన్నడూ లేనంతగా 14, 500 మిలియన్ యూనిట్ల విద్యుత్ వినియోగం నమోదైంది. కాగా తెలంగాణలోని థర్మల్ కేంద్రాలతో పాటు, నాగార్జున సాగర్, శ్రీశైలం నుంచి హైడల్ విద్యుత్ ఉత్పత్తి కోసం అధికారులు పరుగులు తీస్తున్నారు.

హైదరాబాద్, నవంబర్ 1: ‘ఈ ఒక్కసారికి జైపాల్‌యాదవ్‌కు అవకాశం ఇవ్వండి, భవిష్యత్‌లో అవకాశం మీకే దక్కుతుంది’ అని మంత్రి కల్వకుంట్ల తారకరామారావు ఇచ్చిన హామీకి ఎమ్మెల్సీ నారాయణరెడ్డి అంగీకరించారు. ఉమ్మడి మహబూబ్‌నగర్ జిల్లా కల్వకుర్తి నుంచి టీఆర్‌ఎస్ టికెట్ ఆశించిన ఎమ్మెల్సీ కసిరెడ్డి నారాయణరెడ్డి, తిరుగుబాటు అభ్యర్థిగా బరిలోకి దిగడానికి సిద్ధపడిన విషయం తెలిసిందే.