న్యూఢిల్లీ: పెద్ద నోట్ల రద్దుపై పార్లమెంట్ ఉభయ సభలూ గురువారం దద్దరిల్లి పోయాయి. దేశ వ్యాప్తంగా సామాన్యుల జీవితాలు వీధిన పడ్డాయంటూ విపక్షాలు రెండు సభల్లోనూ ప్రభుత్వంపై విరుచుకు పడ్డాయి. కోటానుకోట్ల మంది జీవితాలను వీధిపాలు చేసిన ఈ నిర్ణయంపై జరుగుతున్న చర్చకు హాజరై ప్రధాని మోదీ సమాధానం ఇవ్వాలని రాజ్యసభలో విపక్షాలు పట్టుబట్టాయి. అందుకు సర్కార్ నిరాకరించింది.

విశాఖపట్నం, నవంబర్ 17: నగదు రహిత లావాదేవీలు జరిగే విధంగా రాష్ట్రాన్ని తీర్చిదిద్దుతానని, దీనికోసం ప్రతి ఒక్కరూ జన్‌ధన్ ఖాతాలు తీసుకోవాలని ముఖ్యమంత్రి చంద్రబాబు నాయుడు పిలుపునిచ్చారు. విశాఖలో గురువారం జరిగిన సభలో ఆయన మాట్లాడారు. కరెన్సీ ప్రమేయం లేకుండా ఆర్థిక కార్యకలాపాలు జరిగితే అవినీతికి ఆస్కారం ఉండదన్నారు. బ్యాంకుల్లో ఖాతాలతో రూపీ కార్డ్ తీసుకుంటే కొనుగోళ్లకు నగదు ప్రమేయం ఉండదన్నారు.

విజయవాడ (క్రైం), నవంబర్ 17: ముఖ్యమంత్రి చంద్రబాబు భద్రతపై ప్రభుత్వం దృష్టి సారించింది. ప్రస్తుతమున్న సెక్యూరిటీ కన్నా భారీగా భద్రత సిబ్బందిని పెంచుతూ ప్రభుత్వం తాజాగా ఉత్తర్వులు జారీ చేసింది. ఇటీవల మావోయిస్టుల ఎన్‌కౌంటర్ నేపథ్యంలో ముఖ్యమంత్రికి వారినుంచి ముప్పు ఉన్నట్లు ప్రభుత్వ వర్గాలకు సమాచారం అందింది. ముఖ్యమంత్రి సెక్యూరిటీ గ్రూప్‌లో కొత్తగా 290 మంది భద్రతా అధికారులు సిబ్బంది వచ్చి చేరారు.

హైదరాబాద్, నవంబర్ 17: ప్రభుత్వ ఆస్పత్రుల్లో మరణించిన వారి మృత దేహాన్ని వారి ఇళ్ల వరకు చేర్చేందుకు తెలంగాణ ప్రభుత్వం హర్సే పేరుతో పరమ పద వాహనాలను ఏర్పాటు చేస్తోంది. ఈ వాహనాలను వైద్య ఆరోగ్య శాఖ మంత్రి లక్ష్మారెడ్డి శుక్రవారం గాంధీ ఆస్పత్రిలో ప్రారంభిస్తారు.