హైదరాబాద్, నవంబర్ 17: మహానగరాన్ని పరిశుభ్ర నగరంగా తీర్చిదిద్దేందుకు స్వచ్ఛ్భారత్ మిషన్‌లో భాగంగా నగరంలోని 45 వార్డులను బహిరంగ మలమూత్ర విసర్జన రహిత వార్డులుగా జిహెచ్‌ఎంసి ప్రకటించింది. మరో 112 వార్డులను కూడా డిసెంబర్ చివరి కల్లా ప్రకటించటానికి జిహెచ్‌ఎంసి సన్నద్దమవుతోంది. కాలనీ సంక్షేమ సంఘాలు, స్వయం సహాయక బృందాలు, స్వచ్ఛంద సంస్థలతో పాటు విద్యార్ధినీ, విద్యార్ధులను భాగస్వామ్యం చేస్తున్నారు.

సికిందరాబాద్, నవంబర్ 17: అనాలోచిత నిర్ణయాలు అధికారుల మధ్య సమన్వయలోపం వెరసి తెలంగాణ పాడి పరిశ్రమను మరోసారి నష్టాల ఊబిలోకి దించుతుంది. సిఎం కెసిఆర్ ఎంతో ముందు చూపుతో పాడి పరిశ్రమను అభివృద్ధి చేయాలనే ధృడ సంకల్పంతో రైతులకు రూ.4 ప్రోత్సాహకాన్ని అందించడంతోపాటు పాడి అభివృద్ధికి పాల సేకరణకు ప్రైవేటు డెయిరీలను తట్టుకోవడానికి ధీటుగా రైతులకు సంక్షేమ పథకాలు ప్రకటించి ప్రోత్సహిస్తున్నారు.

ముషీరాబాద్, నవంబర్ 17: గత సంవత్సర ఫీజు బకాయిలు రూ.1800 కోట్లు తక్షణమే చెల్లించాలని, పెరిగిన ధరల ప్రకారం స్కాలర్‌షిప్‌లు పెంచాలని బిసి విద్యార్ధి సంఘం డిమాండ్ చేసింది. సంఘం పిలుపు మేరకు గురువారం నగరంలోని వివిధ కాలేజీల నుండి వేలాది మంది విద్యార్ధులు ఇందిరాపార్కు వద్ద మహా ధర్నా నిర్వహించారు.

జీడిమెట్ల, నవంబర్ 17: పేట్‌బషీరాబాద్ పోలీసు స్టేషన్ పరిధిలో బుధవారం రాత్రి జరిగిన కాల్పుల కలకలం కేసులో ఓ నిందితుడిని అరెస్టు చేసి మిగతా ఇద్దరి కోసం గాలిస్తున్నట్లు బాలానగర్ జోన్ డిసిపి సాయిశేఖర్ తెలిపారు. గురువారం సాయంత్రం పేట్‌బషీరాబాద్ పిఎస్‌లో ఏర్పాటు చేసిన విలేఖరుల సమావేశంలో డిసిపి, ఎసిపి అశోక్‌కుమార్, సిఐ డివి రంగారెడ్డితో కలిసి కాల్పులకు సంబంధించిన వివరాలను వెల్లడించారు.