సిద్దవటం,జూలై 31: మండల పరిధిలోని మాధవరం -1 గ్రామంలోని పార్వతీపురం గ్రామంలో చోరీకి పాల్పడిన దొంగను ఆదివారం సిద్దవటం ఎస్‌ఐ లింగప్ప అరెస్టు చేశారు. అతని వద్దనుంచి రెండు బంగారు చైన్లు, ఒక ఉంగరం, రెండు జతల వెండి పట్టీలు స్వాధీనం చేసుకున్నారు. చోరీ విషయమై ఆదివారం సాయంత్రం సిద్దవటం పోలీసుస్టేషన్‌లో ఒంటిమిట్ట సిఐ వివరా లు వెల్లడించారు.

వాషింగ్టన్, జూలై 31: ఇప్పటివరకు పొకెమాన్‌ను పట్టుకోవటమే అన్ని దేశాల యువత పనిగా పెట్టుకున్న నేపథ్యంలో అమెరికా ఓ వినూత్న ప్రయోగం చేస్తోంది. ఏకంగా నేరగాళ్లను పట్టుకోవటానికి పోకెమాన్ అస్త్రాన్ని ప్రయోగించేదిశగా అడుగులు వేస్తోంది. ప్రపంచవ్యాప్తంగా పోకెమాన్ గో క్రేజ్ అన్ని దేశాల్లోనూ ఉత్కంఠ రేకెత్తిస్తున్న తరుణంలో వర్జీనియాకు చెందిన పోలీస్ విభాగం ఈ వినూత్న ఆలోచనతో తెరపైకి వచ్చింది.

న్యూఢిల్లీ, జూలై 31: నేపాల్‌లోని ముక్తినాథ్ వద్ద మంచుకొండలు విరిగిపడటంతో హైదరాబాద్‌కు చెందిన ఎనిమిది మంది మహిళా యాత్రికులు చిక్కుకున్నారు. దీనిపై స్పందించిన ఢిల్లీ తెలంగాణ భవన్ రెసిడెంట్ కమిషనర్ శశాంక్ గోయల్ కేంద్ర విదేశీ వ్యవహారాల శాఖ సంయుక్త కార్యదర్శి, నేపాల్ ఎంబసి అధికారులతోను మాట్లాడారు. యాత్రికులను రక్షించి సురక్షిత ప్రాంతానికి తరలించే చర్యలు చేపట్టాలని కోరారు.

అనంతపురం, జూలై 31 : ముఖ్యమంత్రి చంద్రబాబు ఈనెల 6వ తేదీ జిల్లాలో పర్యటించనున్న నేపథ్యంలో పకడ్బందీగా ఏర్పాట్లు చేయాలని కలెక్టర్ కోన శశిధర్ సంబంధిత అధికారులను ఆదేశించారు. ఈమేరకు ముఖ్యమంత్రి పర్యటన ఏర్పాట్లపై ఆదివారం స్థానిక రెవెన్యూ భవన్‌లో జెసి బి.లక్ష్మీకాంతం, జెపి-2 ఖాజామొహిద్దీన్, ట్రైనీ కలెక్టర్ వినోద్‌కుమార్, డిఆర్‌ఓ హేమసాగర్‌తో కలిసి సమావేశం నిర్వహించారు.