రాజమహేంద్రవరం, జూలై 31: ప్రత్యేక హోదాకు కట్టుబడి వున్నామని, కేంద్రంపై వత్తిడి చేస్తామని రాష్ట్ర డిప్యూటీ సిఎం చినరాజప్ప అన్నారు. ప్రత్యేక హోదా అంశాన్ని కేంద్రం పక్కనబెట్టే ధోరణి కన్పిస్తోందన్నారు. రాజమహేంద్రవరంలో ఆదివారం అంత్య పుష్కర స్నానం ఆచరించేందుకు వచ్చిన ఆయన మీడియాతో మాట్లాడారు.

రామచంద్రపురం, జూలై 31: అంత్య పుష్కరాలను పురస్కరించుకుని భక్తజనుల పుణ్యస్నానాలతో గోదావరి మాత పులకరిస్తోంది. గోదావరి మహానదికి అంత్య పుష్కరాలను ఆదివారం ఉదయం కె గంగవరం మండలం కోటిపల్లి గ్రామంలో ఎమ్మెల్యే తోట త్రిమూర్తులు గోదావరి మాతకు అర్చనలు చేసి, ప్రారంభించారు.

యానాం, జూలై 31: యానాంలో గోదావరి అంత్య పుష్కరాలను పుదుచ్చేరి వైద్య శాఖామాత్యులు మల్లాడి కృష్ణారావు ఆదివారం ప్రారంభించారు. శివం ఘాట్ వద్ద ఏడాది క్రితం ఏర్పాటు చేసిన పుష్కరిణి మాత విగ్రహం వద్ద వేద పండితుల సమక్షంలో శాస్త్రోక్తంగా పూజలు నిర్వహించి మల్లాడి కృష్ణారావు, ఉదయలక్ష్మి దంపతులు అంత్య పుష్కరాలను ప్రారంభించారు.

తిరుపతి, జూలై 31: తిరుపతి అర్బన్ ఎస్ పి ఆర్. జయలక్ష్మి ఆదేశాల మేరకు ఎ ఎస్పీ ఎంవి ఎస్ స్వామి పర్యవేక్షణంలో, వెస్ట్ డి ఎస్పీ కనకరాజు ఆదివారం అర్థరాత్రి నుంచి తెల్లవారుజాము వరకు జీవకోనలో గల కాంత్రినగర్, రాజీవ్‌గాంధీ కాలనీలో కార్టన్-సెర్చ్ నిర్వహించారు. ఈ ప్రాంతంలో అనుమానాస్పద వ్యక్తులున్నాయని, చట్టవ్యతిరేక కార్యక్రమాలు జరుగుతున్నాయని సమచారం రావడంతో నాకాబందీ కార్యక్రమం నిర్వహించారు.