బనగానపల్లె, జూలై 29:విద్యార్థుల వేళలకు అనుకూలంగా బస్సు సర్వీసులు నడపాలని ఎమ్మెల్యే బిసి జనార్ధనరెడ్డి ఆర్టీసీ డిఎం శశిభూషణ్‌ను ఆదేశించారు. అప్పలాపురం గ్రామానికి చెందిన విద్యార్థులు గురువారం ఎమ్మెల్యే బిసి కార్యాలయం వద్దకు వెళ్లి సమస్యను వివరించారు. దీంతో స్పందించిన ఎమ్మెల్యే బిసి ఆర్టీసీ డిఎంతో కలిసి అప్పలాపురం గ్రామానికి వెళ్లి విద్యార్థుల సమస్యలు తెలుసుకున్నారు.

ఖమ్మం, జూలై 29: ఎంసెట్ మెడికల్ పరీక్షాపత్రం లీకేజి వ్యవహారంపై ఖమ్మం జిల్లా వ్యక్తుల పాత్ర కీలకమని తేలడంతో సిబి సిఐడి అధికారులు శుక్రవారం ఖమ్మంలో విచారణ చేపట్టారు. ప్రముఖ కార్పొరేట్ కళాశాల అధినేత కూతురుకు వందలోపు ర్యాంకు రావడం, లీకేజిలో వారిపాత్ర ఉన్నదనే ఆరోపణలు వచ్చాయనే కారణంతో ఆయన ఇంట్లో సోదాలు నిర్వహించారు.

ఖమ్మం (కల్చరల్), జూలై 29: రాష్ట్రంలో, దేశంలో అభివృద్ధి జరిగిందంటే అది కమ్యూనిస్టుల వల్లేనని ఎఐకెఎస్ జాతీయ ఉపాధ్యక్షుడు సారంపల్లి మల్లారెడ్డి పేర్కొన్నారు. ప్రాజెక్టుల నిర్మాణాలపై శుక్రవారం ఖమ్మంలో జరిగిన రౌండ్‌టేబుల్ సమావేశంలో ఆయన మాట్లాడుతూ రాష్ట్రంలో నాగార్జున సాగర్ డ్యామ్ మొదలుకొని నేడు జిల్లాలో శంకుస్ధాపనలు చేసిన ప్రాజెక్టుల వరకు కమ్యూనిస్టుల పోరాట ఫలితంగానే సాధించుకున్నామని గుర్తు చేశారు.

మణుగూరు, జూలై 29: ప్రజల సహకారంతోనే హరితహారం కార్యక్రమం విజయవంతమైందని, ప్రతి ఒక్కరిలో మొక్కలు నాటి సంరక్షించాలన్న ఆకాంక్ష మొదలైందని రోడ్లు, భవనాల శాఖ మంత్రి తుమ్మల నాగేశ్వరరావు అన్నారు. తెలంగాణకు హరితహారంలో భాగంగా సింగరేణి సంస్థ శుక్రవారం మణుగూరులో ఏర్పాటు చేసిన హరితహారంలో పాల్గొన్న ఆయన మొక్కలు నాటారు.