న్యూఢిల్లీ, జూలై 26: దేశీయ ఆటోరంగ దిగ్గజం మారుతి సుజుకి ఈ ఆర్థిక సంవత్సరం (2016-17) తొలి త్రైమాసికం (ఏప్రిల్-జూన్)లో 1,486.2 కోట్ల రూపాయల నికర లాభాన్ని అందుకుంది. గత ఆర్థిక సంవత్సరం (2015-16) తొలి త్రైమాసికంలో 1,208.1 కోట్ల రూపాయల నికర లాభాన్ని అందుకోగా, ఈసారి 23 శాతం లాభం పెరిగినట్లైంది. నికర అమ్మకాలు ఈసారి 14,654.5 కోట్ల రూపాయలుగా ఉంటే, పోయినసారి 13,078.3 కోట్ల రూపాయలుగా ఉన్నాయి.

నక్కలగుట్ట, జూలై 26: తెలంగాణ రాష్ట్రంలోని రైతు సమస్యలపై స్పందించని ప్రభుత్వ వైఖరిని ఎండగట్టాలని తెలుగుదేశం పార్టీ మాజీ శాసన సభ్యురాలు సీతక్క పార్టీ శ్రేణులకు పిలుపునిచ్చారు. మంగళవారం జిల్లా పార్టీ కార్యాలయంలో జిల్లా రైతు సంఘం కార్యవర్గ సమావేశం రైతు సంఘం అధ్యక్షుడు చాడ రఘునాథరెడ్డి అధ్యక్షతన జరిగింది.

కాకినాడ, జూలై 26: సకాలంలో ఆదాయ పన్నును చెల్లిస్తే ఎటువంటి సమస్యలు ఎదురుకావని, విధిగా ఆదాయ పన్ను చెల్లించాలని విశాఖ ఆదాయ పన్ను కమిషనరేట్-2 ప్రిన్సిపల్ కమిషనర్ ఓంకారేశ్వర్ చిదార సూచించారు. ఆదాయ పన్ను ఎగవేతదారులను దృష్టిలో ఉంచుకుని కేంద్ర బడ్జెట్ ద్వారా ఆదాయ వెల్లడి పథకం-2016ను కేంద్ర ప్రభుత్వం ప్రవేశపెట్టిందన్నారు.

ఆదిలాబాద్, జూలై 26: సాగునీటి ప్రాజెక్టుల రిడిజైనింగ్ పేరిట టీ ఆర్ ఎస్ ప్రభుత్వం భారీ అవినీతికి పాల్పడుతూ రైతుల భూములను బలవంతంగా లాక్కుంటూ అప్రజాస్వామిక చర్యలకు పాల్పడుతోందని, మల్లన్న సాగర్ నిర్వాసితులకు మద్దతు తెలిపేందుకు వెళ్తున్న కాంగ్రెస్ నేతలను మార్గమద్యంలో అరెస్ట్ చేయడం అమానుషమని డిసిసి వర్కింగ్ ప్రెసిడెంట్ నరేష్ జాదవ్ అన్నారు.