అనంతపురం, జూలై 26 : జిల్లాలో ఫ్యాక్షన్, రౌడీయిజంపై ఉక్కుపాదం మోపి పూర్తిస్థాయిలో అణచి వేయాలని రేంజ్ డిఐజి జె.ప్రభాకర్‌రావు, ఎస్పీ ఎస్‌వి.రాజశేఖరబాబు పోలీసు అధికారులను ఆదేశించారు. ఇటీవల జిల్లాకేంద్రంలో జరిగిన రౌడీషీటర్ల జంటహత్యల నేపథ్యంలో అనంతపురం సబ్ డివిజన్ పోలీసు అధికారులతో మంగళవారం స్థానిక పోలీసు కాన్ఫరెన్స్ హాలులో ప్రత్యేక సమావేశం నిర్వహించారు.

అనంతపురం, జూలై 26 : మిషన్ హరితాంధ్రప్రదేశ్‌లో భాగంగా జిల్లాను హరిత ‘అనంత’గా మార్చేందుకు అటవీ శాఖ కృ షి చేస్తోంది. ఇందులో భాగంగా కలెక్టర్ కోన శశిధర్ ఆదేశాల మేరకు ఈనెల 29న 67వ వన మహోత్సవాన్ని పురస్కరించుకుని జిల్లావ్యాప్తంగా 1100 ప్రదేశాల్లో 10.30 లక్షల మొక్కలు నాటేందుకు 39 రకాల మొక్కలను సిద్ధం చేశారు.

అనంతపురం సిటీ, జూలై 26: వేరుశెనగ పంటకు రక్షక తడులను అందించి కాపాడే పంట సంజీవని కార్యక్రమాన్ని పారదర్శకంగా అమలుచేసేందుకు ప్రత్యేక యాప్‌ను రూపొందిస్తున్నట్లు కలెక్టర్ కోన శశిధర్ తెలిపారు. మంగళవారం రెవిన్యూ భవన్‌లో వ్యవసాయ అధికారులకు పంట సంజీవనిపై వర్కుషాపు నిర్వహించారు.

పుట్టపర్తి, జూలై 26: రూ.100 కోట్ల తో రాయలసీమలో పర్యాటక శాఖ అ భివృద్ధికి కృషి చేయనున్నట్లు కర్నూలు డివిజనల్ మేనేజర్ సుదర్శన్‌రావు, డిఈ ఈశ్వరయ్యలు తెలిపారు. మంగళవారం కేంద్ర పర్యాటక శాఖ ముఖ్య అధికారులు కందా, అనీల్ కె.గుప్తలు పుట్టపర్తిలో పర్యటించారు. సత్యసాయి ట్రస్టు సభ్యులు ఆర్‌జె.రత్నాకర్, కార్యదర్శి ప్రసాదరావుతో వారు సంప్రదింపులు జరిపారు.