విజయవాడ (క్రైం), జూలై 24: పోలీసుశాఖలో సుదీర్ఘకాలం విశేష సేవలందించిన మాజీ డిజిపి జాస్తి వెంకట రాముడు దంపతులను ముఖ్యమంత్రి నారా చంద్రబాబునాయుడు సత్కరించారు. ఇదే సమయంలో రాష్ట్ర నూతన డిజిపి నండూరి సాంబశివరావు దంపతులను కూడా ఆయన సన్మానించారు. వీరిద్దరిని సతీసమేతంగా ఆదివారం ఉండవల్లిలోని తన నివాస గృహానికి సీఎం ఆహ్వానించారు. విశ్రాంత డిజిపి రాముడు దంపతులకు ఆయన శాలువా కప్పి సత్కరించారు.

పోలాకి, జూలై 24: రాష్ట్రాన్ని అభివృద్ధి చేయడమే ధ్యేయంగా ముఖ్యమంత్రి చంద్రబాబునాయుడు కృషి చేస్తున్నారని రాష్ట్ర కార్మిక శాఖామంత్రి కింజరాపు అచ్చెన్నాయుడు అన్నారు. ఆదివారం కొత్తరేవు పంచాయతీలో అక్కువరం గ్రామంలో రూ.80లక్షలతో నిర్మించిన తుపాను భవనాన్ని ప్రారంభించారు. అలాగే దండులక్ష్మీపురం గ్రామంలో రూ.1.30లక్షలతో తుఫాన్ భవనానికి శంకుస్థాపన చేశారు.

సారవకోట, జూలై 24: ట్యాబ్‌లలో నెలకొన్న సాంకేతిక సమస్యల వలన రాష్ట్ర ప్రభుత్వం చేపట్టిన సాధికారిక పల్స్ సర్వే మందకొడిగా సాగుతుందని జిల్లా పంచాయతీ అధికారి, మండల ప్రత్యేకాధికారిగా వ్యవహరిస్తున్న కోటేశ్వరరావు స్పష్టంచేశారు. ఈ సాంకేతిక సమస్యలను అదిగమించి పల్స్ సర్వేను వేగవంతంచేయాలని ఎన్యుమరేటర్లకు ఆయన విజ్ఞప్తి చేశారు.

శ్రీకాకుళం(టౌన్), జూలై 24: అనేక సంవత్సరాల దేశవ్యాప్త పోరాటాల ఫలితంగా అమలు కాబడిన పాత ఫెన్షన్ విధానాన్ని పునరుద్ధరిస్తూ కంట్రీబ్యూటరీ ఫెన్షన్ విధానాన్ని రద్దు చేయాలని సిటు జిల్లా అధ్యక్షులు కె.శ్రీనివాస్ డిమాండ్ చేసారు. ఆదివారం స్థానిక ఎన్జీవో హోంలో యునైటెడ్ మెడికల్ అండ్ ఎంప్లారుూస్ యూనియన్ నేతృత్వంలో నిర్వహించిన సదస్సుకు ఆయన ముఖ్యఅతిథిగా హాజరై మాట్లాడారు.