తాడేపల్లి, జూలై 24: రాష్ట్ర ఇన్‌చార్జ్ డిజిపి నండూరి సాంబశివరావు ఆదివారం సాయంత్రం సీతానగరం పుష్కరఘాట్‌లు పరిశీలించారు. తొలుత ముఖ్యమంత్రి నివాస గృహంలో సిఎంను కలుసుకున్న ఆయన అనంతరం పుష్కరఘాట్లు పరిశీలించారు. ఆయన ప్రకాశం బ్యారేజ్ నుండి ఘాట్ వరకూ నడుస్తూ పరిసరాలు పరిశీలించారు.

గుంటూరు, జూలై 24: రాష్ట్రంలో కాంగ్రెస్ పార్టీ పునరుజ్జీవానికి కసరత్తు ప్రారంభించింది. ప్రత్యేకహోదా, రైల్వేజోన్, ఇతర విభజన చట్టం అంశాల అమలుతో పాటు జిల్లాల వారీగా ప్రభుత్వ ప్రజా వ్యతిరేక విధానాలను ప్రజల్లోకి తీసుకెళ్లాలని నిర్ణయించింది. గ్రామస్థాయిలో కమిటీల ఏర్పాటు, పార్టీ సమీక్షా సమావేశాలు తరచూ నిర్వహించడం ద్వారా తిరిగి కోలుకునేందుకు సన్నాహాలు చేస్తోంది.

అమరావతి, జూలై 24: సుప్రసిద్ధ పుణ్యక్షేత్రం, చరిత్ర ప్రసిద్ధి గాంచిన అమరావతిలో పవిత్ర కృష్ణా నదికి ఆగస్టు 12 నుండి 23వ తేదీ వరకు జరిగే కృష్ణా పుష్కరాల సందర్భంగా ఎలాంటి అవాంచనీయ సంఘటనలు జరగకుండా పటిష్ఠ బందోబస్తు ఏర్పాటు చేసినట్లు ఆంధ్రప్రదేశ్ రాష్ట్ర ఇన్‌చార్జి డిజిపి నండూరి సాంబశివరావు తెలిపారు.

గుంటూరు (కొత్తపేట), జూలై 24: గుర్రం జాషువా సమాజంలోని అంటరానితనం మీద ప్రజల్లో చైతన్యం తీసుకువచ్చిన మహాకవి అని, నేటితరానికి ఆయన ఆదర్శప్రాయుడని తెలుగుదేశం పార్టీ నాయకులు కొనియాడారు. ఆదివారం జిల్లా పార్టీ కార్యాలయంలో జాషువ వర్ధంతి కార్యక్రమం జివి ఆంజనేయులు అధ్యక్షతన జరిగింది.