కర్నూలు, డిసెంబర్ 6: హోంగార్డుల సేవలు అమోఘమని ఎస్పీ రవికృష్ణ కొనియాడారు. హోంగార్డుల ఆవిర్భావ దినోత్సవం పురస్కరించుకుని నగరంలోని పోలీసు పరేడ్ మైదానంలో మంగళవారం సాయంత్రం ప్రత్యేక కార్యక్రమం నిర్వహించారు. ఈ సందర్భంగా ఎస్పీ మాట్లాడుతూ పోలీసుశాఖలో చేరినప్పటి నుంచి హోంగార్డుల కుటుంబాను చాలా దగ్గర నుంచి చూశామన్నారు. చాలా తక్కువ జీతంతో కష్టాలు ఎదుర్కొంటున్నారన్నారు.

మచిలీపట్నం, డిసెంబర్ 6: జిల్లా కేంద్రం మచిలీపట్నంలో క్రీడలను ప్రోత్సహించేందుకు గాను ఈ నెల 15, 16, 17తేదీల్లో రాష్ట్ర స్థాయి క్రికెట్ టోర్నమెంట్ నిర్వహించనున్నట్లు రాష్ట్ర బిసి సంక్షేమ, చేనేత, ఎక్సైజ్ శాఖ మంత్రి కొల్లు రవీంద్ర తెలిపారు. టోర్నమెంట్ నిర్వహణపై మంగళవారం ఆయన స్థానిక ఆర్‌అండ్‌బి అతిథి గృహంలో విద్యా సంస్థల వ్యాయామోపాధ్యాయులు, స్కూల్ గేమ్స్ ఫెడరేషన్ ప్రతినిధులతో సమావేశం నిర్వహించారు.

మచిలీపట్నం, డిసెంబర్ 6: అమ్మ అన్న పదానికి నిలువెత్తు నిదర్శనం జయలలిత. తమిళ, తెలుగునాట కోట్లాది ప్రజల ఆదరాభిమానాలు చూరగొన్న తమిళనాడు ముఖ్యమంత్రి జయలలిత ఇక లేరన్న చేదు నిజాన్ని కృష్ణాజిల్లా వాసులు జీర్ణించుకోలేకపోతున్నారు. ఆమె మరణానికి చింతిస్తూ జిల్లా వ్యాప్తంగా సంతాప సభలు నిర్వహించారు. సినీ, రాజకీయ రంగాల్లో ధృవతారగా ఎదిగి నేలకొరిగిన జయలలితకు జిల్లా వాసులు ఘన నివాళులర్పించారు.

మచిలీపట్నం (కల్చరల్), డిసెంబర్ 6: భారతదేశం వేదభూమి, ఆచార జ్యోతి ఆంధ్రభూమి అని పరమహంస పరివ్రాజకాచార్య, కంచికామకోటి పీఠం ఉత్తర పీఠాధిపతి శంకర విజయేంద్ర సరస్వతి స్వామీజి అన్నారు. పరమహంస పరివ్రాజకాచార్య, కంచికామకోటి పీఠాధిపతి జయేంద్ర సరస్వతి స్వామీజితో పాటు ఉత్తర పీఠాధిపతి శంకర విజయేంద్ర సరస్వతి స్వామీజి పట్టణానికి విచ్చేశారు. స్థానిక గొడుగుపేట శంకర మఠంలో మంగళవారం రాత్రి ఆయన అనుగ్రహ భాషణం చేశారు.