విశాఖపట్నం, ఆగస్టు 17: భారత నౌకాదళానికి చెందిన మహిళలు సముద్రంపై ప్రపంచ యాత్ర చేయడానికి సన్నద్ధమయ్యారు. నావికా సాగర్ పరిక్రమ ప్రాజెక్ట్‌లో భాగంగా మహిళా నావికులు ఈ యాత్రకు వచ్చే నెల మొదటి వారంలో బయల్దేరనున్నారు. స్వదేశీ పరిజ్ఞానంతో రూపొందించిన ఐఎన్‌ఎస్‌వి తరణిలో దేశంలోని వివిధ ప్రాంతాల్లోని నౌకాదళ కమాండ్‌లకు చెందిన ఆరుగురు మహిళలు అత్యంత సాహసోపేతమైన ఈ యాత్రకు బయల్దేరనున్నారు.

హైదరాబాద్, ఆగస్టు 17: వెయ్యి మంది చంద్రబాబులు వచ్చినా, ఎన్ని ప్రలోభాలకు గురిచేసినా నంద్యాల ప్రజల మనస్సు మార్చలేరని, వైకాపా విజయం ఖాయమని పార్టీ రాజకీయ వ్యవహారాల కమిటీ సభ్యుడు, అధికార ప్రతినిధి అంబటి రాంబాబు స్పష్టం చేశారు. ఈ ఎన్నికల్లో టిడిపి నేతలకు ఓటమి భయం పట్టుకుందన్నారు. ఏదో విధంగా గెలవాలని అడ్డదారులు తొక్కుతున్నారని ఆయన ధ్వజమెత్తారు.

విశాఖపట్నం, ఆగస్టు 17: ఉత్తర బంగాళాఖాతం, దాని పరిసరాల్లో ఉపరితల ఆవర్తనం ఏర్పడిందని విశాఖపట్నం వాతావరణ హెచ్చరిక కేంద్రం గురువారం రాత్రి తెలియజేసింది. రానున్న రెండు రోజుల్లో ఇది బలపడి అల్పపీడనంగా మారే అవకాశం ఉందని వాతావరణ కేంద్రం పేర్కొంది. దీని ప్రభావంతో కోస్తాంధ్రాలో ఒకటి, రెండు చోట్ల వర్షం పడే అవకాశం ఉందని ఈ కేంద్రం తెలియజేసింది.

హైదరాబాద్, ఆగస్టు 17: జనసేన పార్టీలో త్వరలో రెండు విభాగాలను ప్రారంభించనున్నట్టు ఆ పార్టీ అధినేత పవన్‌కల్యాణ్ తెలిపారు. 2019 సార్వత్రిక ఎన్నికల సమయానికి పార్టీని పూర్తిస్థాయిలో సన్నద్ధం చేసే పనిలో పడిన పవన్‌కల్యాణ్ ఒక్కో విభాగానికి వూపిరి పోస్తున్నారు. ఇందులో భాగంగా అక్టోబర్‌లో పార్టీ తరఫున జనసేన విద్యార్ధి విభాగం, జనసేన మహిళా విభాగాలను ఏర్పాటు చేయనున్నట్టు తెలిపారు.