అమలాపురం, డిసెంబర్ 29: రాష్ట్రంలోని గ్రామాలన్నిటినీ దశలవారీగా డిజిటలైజ్ చేస్తామని ముఖ్యమంత్రి చంద్రబాబు నాయుడు ప్రకటించారు. డిజిటలైజేషన్ ద్వారా ఉద్యోగ, ఉపాధి అవకాశాలు మెరుగుపడటంతోపాటు ప్రపంచం మొత్తం మన ముంగిట్లోకి వస్తుందన్నారు. సఖినేటిపల్లి మండలం మోరి, మోరిపోడు గ్రామాల్లో ఏర్పాటుచేసిన ఫైబర్‌గ్రిడ్‌ను గురువారం ముఖ్యమంత్రి ప్రారంభించారు.

అమలాపురం, డిసెంబర్ 29: ఇతర బిసి కులాలకు అన్యాయం జరగకుండా కాపులకు రిజర్వేషన్లు కల్పిస్తామని ముఖ్యమంత్రి నారా చంద్రబాబు నాయుడు పునరుద్ఘాటించారు. తూర్పు గోదావరి జిల్లా సఖినేటిపల్లి మండలం మోరి గ్రామంలో గురువారం నిర్వహించిన బహిరంగ సభలో ఆయన మాట్లాడుతూ కాపు రిజర్వేషన్ల అంశాన్ని అడ్డుపెట్టుకుని కొన్ని పార్టీలు లబ్ధి పొందాలని చూస్తున్నాయని విమర్శించారు. అయితే వారికి ఆ అవకాశం ఇవ్వనన్నారు.

తిరుపతి, డిసెంబర్ 28: తన వద్ద ఉన్న సొమ్ము, సొత్తును కలియుగ ప్రత్యక్ష దైవమైన తిరుమల శ్రీ వేంకట్వేరస్వామికి సమర్పించి గత 45 సంవత్సరాలుగా స్వామి సేవలో తరిస్తూ తిరుమలలో ఉంటున్న మైథిలి స్వామి (98) మంగళవారం 9.30 గంటల ప్రాంతంలో అపోలో ఆసుపత్రిలో కన్ను మూశారు. బుధవారం మధ్యాహ్నం మూడు గంటల ప్రాంతంలో ఆయన పార్ధివదేహానికి ఆయన భక్తులు పాపవినాశనం రోడ్డు మార్గంలో ఉన్న శ్మశాన వాటికలో అంత్యక్రియలు నిర్వహించారు.

విజయవాడ, డిసెంబర్ 28: ఎపి నుంచి ఢిల్లీ సర్వీసులకు వెళ్లే ఐఎఎస్ అధికారుల సంఖ్య పెరుగుతోంది. తాజాగా కేంద్ర ప్రభుత్వ సర్వీసులకు రాష్ట్ర స్పెషల్ చీఫ్ సెక్రటరీ పి.వి.రమేష్ బదిలీ అయ్యారు. రూరల్ ఎలక్ట్ఫ్రికేషన్ కార్పొరేషన్ ఆఫ్ ఇండియా (ఆర్‌ఇసి ఆఫ్ ఇండియా) చైర్మన్ అండ్ మేనేజింగ్ డైరెక్టర్‌గా నియమితులైన ఆయన జనవరి నాలుగున రీలీవ్ కానున్నారు. కేంద్ర సర్వీసుకు వెళ్లాలని ఆయన దరఖాస్తు చేయలేదు.