విజయవాడ, డిసెంబర్ 30: వెలగపూడి సచివాలయంలో రాష్ట్ర మంత్రి వర్గం శనివారం సమావేశం కానుంది. జనవరిలో నిర్వహించనున్న జన్మభూమి కార్యక్రమం ఏర్పాట్లు తదితర అంశాలపై చర్చించనున్నారు. కొత్తగా మంజూరు చేయనున్న రేషన్ కార్డులు, పింఛన్ల పంపిణీ ఏర్పాట్లు, పింఛన్ల పంపిణీకి నగదు సిద్ధం చేయడం వంటి అంశాలు చర్చకురానున్నాయి. రిజర్వు బ్యాంక్ నిబంధనల కారణంగా గతంలో పింఛన్లు పంపిణీ చేయడంలో ఇబ్బందులు ఎదురయ్యాయి.

విజయవాడ (బెంజిసర్కిల్), డిసెంబర్ 30: రాష్ట్ర ప్రజల చిరకాల కోరికైన పోలవరం ప్రాజెక్టుకు తాము వ్యతిరేకం కాదని, ఇదే సమయంలో పోలవరం ప్రాజెక్టు నిర్మాణానికి సంబంధించి లెక్కకు మించి సందేహాలున్నాయని వైయస్‌ఆర్ కాంగ్రెస్ పార్టీ శాశనసభాపక్ష నేత పెద్దిరెడ్డి రామచంద్రారెడ్డి పేర్కొన్నారు. రాష్ట్ర ప్రభుత్వం ప్రకటిస్తున్న ప్రాజెక్టు రిపోర్టులకు వాస్తవ పనులకు అసలు పొంతన లేదన్నారు.

విజయవాడ, డిసెంబర్ 30: మెయిల్, ఎక్స్‌ప్రెస్ రైళ్లల్లో భర్తీకాని బెర్తులు, సీట్లను నింపేందుకు రైల్వేశాఖ గురువారం నుంచి తగ్గింపు ఆఫర్లను ప్రకటించింది. రైలులో రిజర్వేషన్ చేసుకున్న సమయంలో రిజర్వేషన్ చార్టు తుది ఖారారు అనంతరం ఖాళీగా మిగిలిపోయి వున్న సీట్లపై బేసిక్ చార్జీలో పది శాతం తగ్గింపు ఇస్తామని ఒక ప్రకటన విడుదల చేసింది.

విజయవాడ, డిసెంబర్ 30: నగదు రహిత లావాదేవీలను ప్రోత్సహించటంలో కృషి చేస్తున్నందుకు కృష్ణాజిల్లా కలెక్టర్ బాబును ప్రధాని మోదీ ప్రశంసించారు. ఢిల్లీలోని టాల్కటోరా స్టేడియంలో శుక్రవారం మధ్యాహ్నం నిర్వహించిన డిజిధన్ మేళా కార్యక్రమంలో ప్రధాని మోదీ బాబుకు ప్రశంసాపత్రం అందజేసి సత్కరించారు.