విజయవాడ, నవంబర్ 29: విశాఖ రైల్వే స్టేషన్‌లో ఇంజన్ రివర్స్ సమయాన్ని గణనీయంగా తగ్గించేందుకు వీలుగా బల్బ్‌లైన్ ఎలివేటెడ్ కారిడార్ నిర్మించే ప్రతిపాదనను తూర్పు కోస్తా రైల్వే తెరపైకి తెచ్చింది. దాదాపు 300 కోట్ల రూపాయల వ్యయం కాగల ఈ ప్రాజెక్టుకు సంబంధించిన ప్రతిపాదనను ముఖ్యమంత్రి చంద్రబాబు ముందు రైల్వే అధికారులు ఉంచారు.

అనకాపల్లి, నవంబర్ 29: రోజువారీ పొదుపు, నెలవారీ చీటీల పేరుతో అమాయక మహిళలను మోసగించి సుమారు రూ. 3 కోట్లతో ఉడాయించిన దంపతుల ఉదంతమిది. ఒకరికి తెలియకుండా మరొకరి వద్ద పొదుపు స్కీమ్‌లు, చీటీల పేరుతో నెలవారీగా పెద్దమొత్తాలను సేకరించి బకాయిలు చెల్లించాల్సిన సమయం వచ్చేసరికి దంపతులిద్దరూ ఉడాయించడంతో లబోదిబోమంటూ బాధిత మహిళలు పట్టణ పోలీస్ స్టేషన్‌లో మంగళవారం రాత్రి ఫిర్యాదు చేశారు.

హైదరాబాద్, నవంబర్ 29: పెద్ద నోట్ల రద్దు వల్ల ఉత్పన్నమయ్యే పరిస్ధితులను సరిదిద్దేందుకు కేంద్రం నియమించిన కమిటీ బాధ్యతలను ముఖ్యమంత్రి చంద్రబాబుకు అప్పగించడం వల్ల దేశం సర్వనాశనమవుతుందని వైకాపా ఎమ్మెల్యే ఆర్కే రామకృష్ణారెడ్డి, ప్రతినిధి వాసిరెడ్డి పద్మ తీవ్రస్ధాయిలో ధ్వజమెత్తారు.

హైదరాబాద్, నవంబర్ 29: అరకు ఎంపి కొత్తపల్లి గీత వాల్మీకి ఎస్టీ తెగకు చెందిన మహిళ అని ధృవీకరిస్తూ తూర్పుగోదావరి జిల్లా కలెక్టర్ నోటిఫికేషన్ జారీ చేసిన విషయంపై దాఖలై పిల్‌ను హైకోర్టు విచారించింది. ఈ కేసులో తూర్పుగోదావరి జిల్లా కలెక్టర్‌కు హైకోర్టు ధర్మాసనం మంగళవారం నోటీసులు జారీ చేసింది. ఈ నోటిఫికేషన్‌ను జిల్లా కలెక్టర్ జూలై 27వ తేదీన జారీ చేశారు.