న్యూఢిల్లీ, ఆగస్టు 9: డిబెంచర్ ట్రస్టీ మార్గదర్శకాలను పాటించకపోవడం వల్ల సెబీ నమోదు చేసిన కేసును యాక్సిస్ బ్యాంక్ శుక్రవారం పరిష్కరించుకుంది. ఇందుకు సంబంధించి రూ. 2.43 కోట్ల రూపాయలు యాక్సిస్ బ్యాంక్ యాజమాన్యం సెటిల్మెంట్ చార్జీల కింద చెల్లించింది. ఆ బ్యాంక్ అధికారిక వెబ్‌సైట్‌లో పేర్కొన్న మేరకు యాక్సిస్ బ్యాంకు సెబీ రిజిస్ట్రేషన్ కలిగిన డిబెంచర్ ట్రస్టీ.

న్యూఢిల్లీ, ఆగస్టు 9: దేశీయ విఫణిలో బంగారం ధరలు శుక్రవారం తగ్గుముఖం పట్టాయి. రికార్డు స్థాయి గరిష్ట ధరలను అందుకున్న ఒక్క రోజు వ్యవధిలో వరలక్ష్మీ వ్రతం రోజున ఈ మార్పు చోటుచేసుకోవడం విశేషం. దేశ రాజధానిలో 10 గ్రాములు (తులం) బంగారంపై రూ. 140 తగ్గింది. అయినప్పటికీ రూ. 38,000 స్థాయిని మించే 38,330గా ట్రేడైంది.

అనంతపురం, ఆగస్టు 8: దక్షిణ కొరియాకు చెందిన ఆటోమొబైల్ దిగ్గజం ‘కియా’ సంస్థ అనంతపురం జిల్లా పెనుకొండ సమీపంలోని ఎర్రమంచి వద్ద అత్యాధునిక సాంకేతిక పరిజ్ఞానంతో ఏర్పాటు చేసిన కియా మోటార్స్ ఇండియా తయారీ కేంద్రంలో ఉత్పత్తి చేసిన మొట్టమొదటి కారును గురువారం ప్రారంభించింది. తద్వారా ఈ కేంద్రం నుంచి భారీ స్థాయిలో సెల్టోస్ కార్ల తయారీని కియా ప్రారంభించినట్లయింది.

ముంబయి, ఆగస్టు 8: విదేశీ పెట్టుబడిదారుల పన్ను విధానాన్ని సరళతరం చేసేందుకు కేంద్రం చర్యలు చేపట్టనుందన్న వార్తలు దేశీయ స్టాక్ మార్కెట్లకు ఒక్కసారిగా అమిత బలాన్నిచ్చాయి. గురువారం బీఎస్‌ఈ సూచీ సెనె్సక్స్ 737 పాయింట్లు ఎగబాకగా, బ్రాడర్ నిఫ్టీ సైతం 11.000 మార్కును మళ్లీ అధిగమించింది.