వాషింగ్టన్, ఆగస్టు 7: హవాయ్‌కు చెందిన 5జీ వౌలిక పరికరాలను వినియోగించుకోవాల్సిందిగా భారత్‌ను బ్లాక్‌మెయిల్ చేస్తోందని అమెరికన్ కాంగ్రెస్ ప్రముఖుడు జిమ్‌బ్యాంక్స్ ఇక్కడ ఆరోపించారు. అలాగే ఈ విషయంలో అమెరికా వత్తిడులను భారత్ ఖాతరు చేయదన్న విశ్వాసం సైతం చైనా పెద్దలకు ఉందని ఆ అధికారి మంగళవారం నాడిక్కడ వ్యాఖ్యానించారు.

షాంఘై, ఆగస్టు 7: చైనా మరోసారి బుధవారం తన కరెన్సీ అయిన యువాన్ డెయిలీ రెఫరెన్స్ రేట్‌ను తగ్గించింది. దీంతో అమెరికన్ డాలర్‌తో పోలిస్తే యువాన్ మారకం విలువ మరింత బలహీనపడింది. చైనా, అమెరికా మధ్య కరెన్సీ వివాదం తీవ్రమయిన నేపథ్యంలో చైనా కేంద్ర బ్యాంకు తన కరెన్సీ విలువను తగ్గించింది. పీపుల్స్ బ్యాంక్ ఆఫ్ చైనా బుధవారం అమెరికన్ డాలర్‌తో యువాన్ సెంట్రల్ ప్యారిటి రేట్‌ను 6.9996గా ఖరారు చేసింది.

జేరూసలేం, ఆగస్టు 7: ఐక్యరాజ్య సమితి పాలస్తీనా శరణార్థుల ఏజెన్సీకి 5 మిలియన్ డాలర్ల ఆర్థిక సాయాన్ని భారత దేశం బుధవారం అందజేసింది. ఆ ఏజెన్సీ చేపడుతున్న సహాయక చర్యలకు తదుపరి కూడా స్థిరమైన ఆర్థిక సాయాన్ని అందజేస్తామని హామీ ఇచ్చింది.

ముంబయి, ఆగస్టు 6: బ్యాంకింగ్, వాహన రంగాల స్టాక్స్ లాభాలు పండించడంతో మంగళవారం దేశీయ స్టాక్ మార్కెట్లు కోలుకున్నాయి. ప్రధానంగా ఆర్బీఐ ద్రవ్య పరపతి విధాన నిర్ణాయ కమిటీ (సీఎంపీ) బుధవారం మరో 25 బేసిస్ పాయింట్ల మేర కోత విదించే అవకాశాలున్నాయన్న వార్తలు పై రెండు రంగాల వృద్ధిపై మదుపర్లలో నమ్మకం పెరిగింది.