భూపాలపల్లి, ఆగస్టు 3: జయశంకర్ భూపాలపల్లి జిల్లా కేంద్రం సమీపంలో ఉన్న కేటీకే ఓసీటూ గనిలో గత వారం రోజులుగా భారీ వర్షాల వల్ల బొగ్గు ఉత్పత్తి పూర్తిగా నిలిచిపోయింది. గత వారంలో ఒక్క రోజు మాత్రమే వెయ్యి టన్నుల బొగ్గు ఉత్పత్తి అయింది. మిగిలిన రోజుల్లో భారీ వర్షాలతో యంత్రాలన్నీ ఎక్కడికక్కడే నిలిచిపోయాయి.

హైదరాబాద్, ఆగస్టు 3: లింగంపల్లి-ఫలక్‌నుమా మధ్య నడిచే ఎంఎంటీఎస్ రైళ్ల సర్వీసులను ఆదివారం రద్దు చేసినట్లు సంబంధిత అధికారులు తెలిపారు. ఈ మార్గంలో ఉన్న యాకుత్‌పురా-ఫలక్‌నుమా రైల్వే ష్టేషన్ల మధ్య వివిధ అభివృద్ధి పనులు జరుగుతున్నాయని, దీంతో తాత్కాలికంగా ఆదివారం ఈ మార్గంలో నడిచే ఎంఎంటీఎస్ రైళ్ల సర్వీసులను రద్దు చేసినట్లు వారు తెలిపారు. ఈ మార్గంలో రద్దు చేసిన రైళ్ళ వివరాలు ఇలా ఉన్నాయి.

అనంతపురం, ఆగస్టు 2: భారతదేశంలో మొట్టమొదటి సారిగా తయారైన కియా సెల్టోస్ ఎస్‌యూవీ కారు ఈ నెలలోనే అందుబాటులోకి రానుంది. అనంతపురం జిల్లా పెనుకొండ వద్ద హ్యూందయ్ భాగస్వామ్యంతో ఆటోమొబైల్ దిగ్గజం ‘కియా’ ఏర్పాటు చేసిన కియా మోటార్స్ ఇండియా(కేఎంఐ) నుంచి నూతన సెల్టోస్ కారు ఈనెల 22న లాంచ్ కానుంది. అత్యంత ఆకర్షణీయంగా, సౌకర్యవంతంగా, హూందాతనం ఉట్టి పడే కారు పలు రంగుల్లో అందుబాటులోకి రానుంది.

న్యూఢిల్లీ, ఆగస్టు 2: కేఫ్ కాఫీడే ఎంటర్‌ప్రైజెస్ స్టాక్స్ గడచిన నాలుగు రోజుల్లో భారీ నష్టాలపాలయ్యాయి. వ్యవస్థాపక చైర్మన్ వీజీ సిద్ధార్థ అదృశ్యమై, కర్నాటకలోని మంగళూరుకు సమీపంలో గల నేత్రావతీ నదీతీరంలో శవమై కనిపించడంతో స్టాక్ మార్కెట్‌లో ఆ కంపెనీ వాటాలు ఎన్నడూ లేనంతంగా తీవ్ర అమ్మకాల వత్తిడికి గురయ్యాయి. బీఎస్‌ఈలో నాలుగు రోజులుగా కంపెనీ మార్కెట్ విలువ సైతం రూ.