పనాజి, ఆగస్టు 1: పారిశ్రామిక రంగంలో పనిచేస్తున్న మహిళలు రాత్రి వేళల్లోనూ పని చేయడానికి వీలు కల్పిస్తున్న ఒక బిల్లును గోవా అసెంబ్లీ గురువారం ఆమోదించింది. ఫ్యాక్టరీస్ అండ్ బాయిలర్స్ యాక్ట్‌కు సవరణలు చేస్తూ తీసుకొచ్చిన ఈ బిల్లును రాష్ట్ర ఉప ముఖ్యమంత్రి చంద్రకాంత్ కవ్‌లేకర్ శాసనసభలో ప్రవేశపెట్టారు.

న్యూఢిల్లీ, ఆగస్టు 1: రిజర్వు బ్యాంక్ ఆఫ్ ఇండియా (ఆర్‌బీఐ) డిప్యూటీ గవర్నర్ పదవికి అర్హులైనవారు దరఖాస్తులు పంపాలని కేంద్ర ఆర్థిక మంత్రిత్వ శాఖ గురువారం ప్రకటన విడుదల చేసింది. విరాల్ ఆచార్య ఆ పదవికి రాజీనామా చేయడంతో అప్పటి నుంచి ఆ పదవి ఖాళీగా ఉంటోంది. పదవీ కాలం ఇంకా ఆరు నెలలు ఉండగానే విరాల్ ఆచార్య వైదొలిగిన సంగతి తెలిసిందే.

న్యూఢిల్లీ : ఈ ఏడాది రెండో త్రైమాసికంలో అంతర్జాతీయంగా స్మార్ట్ ఫోన్ల ఎగుమతుల్లో 1.2 శాతం తగ్గుదల నెలకొంది. గడచిన జూన్ మాసంతో ముగిసిన త్రైమాసికంలో ప్రపంచ వ్యాప్తంగా 360 మిలియన్ యూనిట్ల ఎగుమతులు జరిగింది. ఈక్రమంలో వరుసగా ఏడు త్రైమాసికాలుగా ఈ రవాణాలో తగ్గుదల చోటుచేసుకుందని బుధవారం ఇక్కడ విడుదలైన అంతర్జాతీయ పరిశోధనా సంస్థ ‘కౌటర్‌పార్ట్’ అధ్యయన నివేదిక వెల్లడించింది.

ముంబయి, జూలై 31: బాంబే స్టాక్ ఎక్స్ఛేంజి (బీఎస్‌ఈ)లో బుధవారంనాడు లావాదేవీలు సానుకూల వాతావరణంలో జరగడంతో సెనె్సక్స్ స్వల్ప లాభాలను ఆర్జించగలిగింది. ఆరంభంలో నష్టాల పరంపర కొనసాగినప్పటికీ ఆ తర్వాత క్రమంగా పుంజుకుంది. మదుపరులు ఆసక్తిని ప్రదర్శించడంతో సెనె్సక్స్ లాభాల బాట పట్టింది. 83.88 పాయింట్లు పెరిగిన సెనె్సక్స్ 37,481.12 పాయింట్ల వద్ద ముగిసింది.