ముంబయి, జూన్ 25: రుణ బకాయిల వసూళ్లు భారీగా పెంచడం, మొండి బకాయిల శాతాన్ని తగ్గించడంపై ప్రధానంగా దృష్టి కేంద్రీకరించిన బ్యాంకుల తీరు నిరర్ధక ఆస్తులను తగ్గించడంలో సత్ఫలితాలిస్తోంది. 2020 మార్చి నాటికి నిరర్థక రుణాలు (ఎన్‌పీఏ)లు 8 శాతానికి దిగివచ్చే అవకాశాలున్నాయని అంతర్జాతీయ అధ్యయన సంస్థ ‘క్రిసిల్’ నివేదిక స్పష్టం చేసింది.

ఐక్యరాజ్య సమితి, జూన్ 25: భారత్ ఆర్థికాభివృద్ధిని ప్రతిఏటా 8 నుంచి 10 శాతానికి తగ్గకుండా చూసుకుంటేనే కొత్తగా ఉద్యోగావకాశాలను, ఉన్నత జీతభత్యాలను కల్పించేందుకు వీలుంటుందని ప్రఖ్యాత ఆర్థిక నిపుణుడు అరవింద్ పనగారియా మంగళవారం నాడిక్కడ అభిప్రాయపడ్డారు. ఎగుమతుల ద్వారా ఆర్థికాభివృద్ధిని సాధించే అంశంపై భారత్ ప్రధాన దృష్టిని కేంద్రీకరించాల్సిన అవసరం ఉందని ఆయన అన్నారు.

న్యూఢిల్లీ: ప్రాధాన్యతా ప్రాతిపదికన జారీచేసే సరికొత్త ‘ఈ-పాస్‌పోర్టు’ల రూపకల్పనకు ప్రతిపాదించామని కేంద్ర విదేశీ వ్యవహారాల మంత్రి జైశంకర్ వెల్లడించారు. ఆధునిక భద్రతా ప్రయోజనాలతో కూడిన పర్యాటక డాక్యుమెంట్‌ను అందుబాటులోకి తేవాలన్నదే లక్ష్యమని వెల్లడించారు. త్వరలో దీన్ని అమల్లోకి తేవడం జరుగుతుందని సోమవారం నాడిక్కడ జరిగిన ‘ఏడవ పాస్‌పోర్టు సేవా దివస్’ కార్యక్రమంలో మాట్లాడుతూ ఆయన తెలిపారు.

న్యూఢిల్లీ, జూన్ 24: రిజర్వు బ్యాంకు డిప్యూటీ గవర్నర్ విరాల్ ఆచార్య సోమవారం అనూహ్యంగా తన పదవికి రాజీనామా చేశారు. ఆయన మూడేళ్ల పదవీ కాలం ముగిసేందుకు ఇంకా ఆరు నెలల వ్యవధి ఉన్నప్పటికీ ఆయన వైదొలగడం చర్చనీయాంశమైంది. అయితే కేవలం వ్యక్తిగత కారణాల వల్లే తాను ఈ నిర్ణయం తీసుకున్నట్టు ఆచార్య తన రాజీనామా లేఖలో పేర్కొన్నారు.