న్యూఢిల్లీ, జూన్ 21: ప్రపంచంలో వివిధ దేశాల మధ్య జరుగుతున్న వాణిజ్య యుద్ధాల ప్రతికూల ప్రభావం భారత్‌పై కూడా పడిందని, అయితే భారత్ పటిష్టమయిన తన ఆర్థిక వ్యవస్థ కారణంగా దీనిని తట్టుకొని నిలబడుతుందని కేంద్ర వాణిజ్య, పారిశ్రామిక శాఖల మంత్రి పీయూష్ గోయల్ పేర్కొన్నారు. వివిధ దేశాలు వాణిజ్య యుద్ధాలకు తలపడుతున్న నేటి పరిస్థితుల్లో దాని ప్రతికూల ప్రభావం భారత్‌పై కూడా పడుతుంది.

గుంటూరు, జూన్ 20: రాష్ట్ర వ్యాప్తంగా ఉన్న వ్యవసాయ మార్కెట్ యార్డుల్లో లావాదేవీలన్నీ ఈ-నామ్ విధానం ద్వారానే జరగాలని, అందుకు తగిన చర్యలు తీసుకోవాలని అధికారులను వ్యవసాయ మార్కెటింగ్ శాఖ కమిషనర్ పీఎస్ ప్రద్యుమ్న ఆదేశించారు. ప్రస్తుతం 22 మార్కెట్ యార్డుల్లో ఈ-నామ్ అమలులో ఉందని, రానున్న కాలంలో అన్ని మార్కెట్ యార్డుల్లోనూ ఈ విధానాన్ని తప్పనిసరి చేస్తున్నట్లు చెప్పారు.

సిద్దిపేట, జూన్ 20 : సిద్దిపేట జిల్లా కేంద్రానికి కాలానికి అనుగుణంగా ఎస్‌బీఐ, ఆంధ్రబ్యాంక్ రీజనల్ కార్యాలయాలు వస్తున్నాయని మాజీ మంత్రి హరీష్‌రావు అన్నారు. గురువారం సిద్దిపేట బైపాస్ రోడ్డులో నూతనంగా నిర్మించే ఎస్‌బీఐ ప్రాంతీయ కార్యాలయం భవన నిర్మాణానికి మాజీ మంత్రి హరీష్‌రావు భూమి పూజ చేశారు. ఈ సందర్భంగా ఆయన మాట్లాడుతూ సిద్దిపేట అన్ని రంగాల్లో అభివృద్ధితో ఆదర్శంగా నిలుస్తుందన్నారు.

గుంటూరు, జూన్ 19: దళారీల బారిన పడి రైతులు నష్టపోకుండా చూడాలనే ఉద్దేశంతోనే ముఖ్యమంత్రి వైఎస్ జగన్మోహనరెడ్డి 3 వేల కోట్ల రూపాయలతో ధరల స్థిరీకరణ నిధిని ఏర్పాటు చేస్తున్నట్లు రాష్ట్ర పశుసంవర్థక, మత్స్య, మార్కెటింగ్ శాఖల మంత్రి మోపిదేవి వెంకట రమణారావు పేర్కొన్నారు.