ముంబయి, అక్టోబర్ 17: దారుణంగా పడిపోతూ, ఒకానొక ధశలో రికార్డు కనిష్టానికి చేరుకున్న రూపాయి మారకపు విలువ క్రమంగా బలపడుతున్నది. డాలర్‌కు రూపాయి విలువ ఆరు పైసలు పెరుగుపడడంతో, 73.42 రూపాయలకు చేరింది. అంతర్జాతీయ మార్కెట్‌లో చోటు చేసుకున్న పరిణామాలు, దేశీయ ఈక్విటీ మార్కెట్‌లోని పరిస్థితులు రూపాయి బలపడేందుకు సహకరించాయి.

న్యూఢిల్లీ, అక్టోబర్ 17: పంజాబ్ నేషనల్ బ్యాంక్ (పీఎన్‌బీ)ను మోసగించి సుమారు రూ. 13వేల కోట్ల రుణం తీసుకున్న కేసులో నిందితులకు చెందిన రూ. 218 కోట్లకు పైగా ఆస్తులను ఎన్‌ఫోర్స్‌మెంట్ డైరెక్టరేట్ (ఈడీ) బుధవారం జప్తు చేసింది.

న్యూఢిల్లీ, అక్టోబర్ 17: పెరుగుతున్న ఆహార ద్రవ్యోల్బణ రేటు యావత్ దేశాన్ని భయపెడుతున్నది. ధాన్యాలు, పప్పులు, బియ్యం, గోధుమలు, కాయకూరలు.. ఇలా ఒకటిరెండు అని చెప్పడానికి వీల్లేకుండా అన్నిటి ధరలు ఆకాశానికి అంటుతున్నాయి. దసరా పండుగ వచ్చేస్తున్నది. త్వరలోనే దీపావళి రానుంది. ఈ రెండు వరుస పండుగలను ఎంతో గొప్పగా జరుపుకోవడం ఆనవాయితీ. అయితే, ఈసారి పండుగలను పెరుగుతున్న ధరలు ఆందోళనకు గురి చేస్తున్నాయి.

న్యూఢిల్లీ, అక్టోబర్ 16: ఐసీఐసీఐ బ్యాంక్ మేనేజింగ్ డైరెక్టర్, చీఫ్ ఎగ్జిక్యూటివ్ ఆఫీసర్‌గా సందీప్ బక్షీ నియామకానికి ఆర్‌బీఐ ఆమోద ముద్ర వేసింది. ఆయన ఈ పదవుల్లో మూ డేళ్లు ఉంటారు. చందన్ కొచ్చర్ రాజీనామా చేయడంతో, ఆ పదవుల్లో కొత్త అభ్యర్థిని ఎంపిక చేయాల్సి వచ్చింది. అప్పటి వరకూ చీఫ్ ఆపరేటింగ్ ఆఫీసర్ (సీఓఓ)గా పని చేస్తున్న బక్షీకి అవకాశం ఇవ్వాలని పాలక మండలి తీర్మానించింది.