న్యూఢిల్లీ, మే 20: ఇటీవల బయటపడిన భారీ కుంభకోణం నేపథ్యంలో పంజాబ్ నేషనల్ బ్యాంకు, గీతాంజలీ జెప్స్ సంస్థలపై పెద్ద ఎత్తున జరిమానా విధించాలని సెబీ యోచిస్తోంది. అనుమానాస్పద లావాదేవీలు ఇతర అంశాలపై విచారణ జరిపిన తర్వాత రూ. 14వేల కోట్ల విలువైన ఈ బ్యాంకింగ్ కుంభకోణంపై విచారణ తర్వాత పై చర్య తీసుకోవాలన్నది సెబీ ఆలోచన.

న్యూఢిల్లీ: అమెరికా ఉక్కు, అల్యూమినియం దిగుమతులపై దిగుమతి సుంకాలను విధించడాన్ని భారత్ ప్రపంచ వాణిజ్య సంస్థ (డబ్ల్యూటీవో)కు చెందిన వివాదాల పరిష్కార యంత్రాంగం వద్ద సవాలు చేసింది. అమెరికా తీసుకున్న ఈ నిర్ణయం అమెరికాకు ఉక్కు, అల్యూమినియం ఎగుమతులపై ప్రభావం చూపుతుందని, పైగా ఈ నిర్ణయం ప్రపంచ వాణిజ్య సూత్రాలకు అనుగుణంగా లేదని భారత్ పేర్కొంది.

న్యూఢిల్లీ, మే 19: కేంద్ర ప్రభుత్వం ప్రవేశపెట్టిన ఉజల పథకం కింద ఇప్పటివరకు దేశంలో 30 కోట్ల ఎల్‌ఇడి బల్బులను పంపిణీ చేసినట్టు ఎనర్జీ ఎఫీషియంట్ సర్వీసెస్ లిమిటెట్ (ఇఇఎస్‌ఎల్) వెల్లడించింది. జనవరి 2015లో ప్రధాని నరేంద్రమోదీ ప్రవేశపెట్టిన దీని ద్వారా ఇన్ని కోట్ల బల్బులను పంపిణీ చేయడం ద్వారా ప్రపంచంలోనే అతిపెద్ద పథకంగా నిలుస్తుందని అన్నారు.

రాజమహేంద్రవరం, మే 19: తూర్పుగోదావరి జిల్లా ఓఎన్జీసీ తాటిపాక రిఫైనరీలో సోలార్ పవర్ ప్లాంట్ నిర్మాణానికి శనివారం ఎగ్జిక్యూటివ్ డైరెక్టర్-అసెట్ మేనేజర్ డిఎంఆర్ శేఖర్ ఆధ్వర్యంలో ఓఎన్జీసీ డైరెక్టర్ ( ఆన్‌షోర్) సంజయ్‌కుమార్ మెయిత్ర శంకుస్థాపన చేశారు. ఈ సందర్భంగా ఈడీ అసెట్ మేనేజర్ శేఖర్ మాట్లాడుతూ పర్యావరణహితమైన కాలుష్య రహిత విద్యుత్ ఉత్పత్తికి సంస్థ కృషి చేస్తుందన్నారు.