న్యూఢిల్లీ, డిసెంబర్ 4: క్యాన్సర్ వ్యాధి చికిత్సలో భాగంగా వినియోగించే హెర్‌సెప్టిన్‌ను పోలిన ఔషధం ఓగివ్రిని అమెరికా మార్కెట్‌లోకి విడుదల చేసేందుకు నియంత్రణ సంస్థ నుంచి తనకు అనుమతి లభించిందని ప్రకటించిన బయోకాన్ కంపెనీ షేర్లకు సోమవారం మార్కెట్‌లో మంచి ఆదరణ లభించింది. ఒక్క సెషన్‌లోనే ఈ కంపెనీ షేర్ల ధర 15 శాతం పెరిగింది. దీంతో ఈ కంపెనీ మార్కెట్ క్యాపిటలైజేషన్ రూ. 4,020 కోట్లు పెరిగింది.

నల్లగొండ టౌన్, డిసెంబర్ 4: గిట్టుబాటు ధర లేకపోవడంతో నిమ్మ రైతులు కుదేలవుతున్నారు. బస్తా నిమ్మకాయలను కేవలం 100 రూపాలయకే దళారులు కొనుగోలు చేస్తుండడంతో రైతులు పెట్టుబడి కూడా రాక అప్పుల ఊబిలో కూరుకపోతున్నారు. వరుసగా రెండేళ్లుగా మద్దతు ధర లేక నిమ్మ రైతులు తమ దిగుబడులను రోడ్లపై పారవేసి నిరసన తెలుపుతున్నా ప్రభుత్వాల్లో చలనం లేకపోవడం నిమ్మ రైతులను నిరాశ పరుస్తోంది.

ముంబయి, డిసెంబర్ 3: రిజర్వ్ బ్యాంక్ (ఆరీబీఐ) ఈసారి కూడా కీలక వడ్డీ రేట్లను మార్చకుండా యథాతథంగా కొనసాగించే అవకాశాలు ఉన్నాయి. వరుసగా అయిదు త్రైమాసికాలు దిగజారిపోయిన స్థూల జాతీయోత్పత్తి (జీడీపీ) సెప్టెంబర్‌తో ముగిసిన త్రైమాసికంలో తిరిగి పుంజుకోవడంతో ద్రవ్యోల్బణం నియంత్రణపైనే ఆర్‌బీఐ కేంద్రీకరిస్తుందని నిపుణులు భావిస్తున్నారు.

హైదరాబాద్, డిసెంబర్ 3: ప్రభుత్వ పరిపాలనలో మొబైల్ యాప్‌ల పాత్ర క్రమేణా కీలకం కాబోతోంది. రోజు రోజుకీ కొత్త కొత్త యాప్‌ల ఆవిష్కరణ జరుగుతోంది. దీంతో ప్రజల చెంతకు పాలన, సేవలు మరింత వేగంగా అందుతున్నాయి. సేవల విభాగంలో తలెత్తే అనేక సమస్యలకు పరిష్కారాలు లభిస్తుండడమే కాకుండా డిజిటల్ లావాదేవీలు వేగవంతంగా జరిగేందుకు అవకాశం కలిగింది.