హైదరాబాద్, డిసెంబర్ 7: దేశంలో అతిపెద్ద ప్రైవేటు రంగ బ్యాంక్ ఐసిఐసిఐ బ్యాంక్ తొలిసారిగా పబ్లిక్ ప్రావిడెంట్ ఫండ్ (పిపిఎఫ్) ఖాతాను ఇన్‌స్టెంట్‌గా పూర్తిగా ఆన్‌లైన్‌లో పేపర్ రహిత విధానంలో తెరిచేందుకు డిజిటల్ సేవలను గురువారం ఆవిష్కరించింది. ఈ సదుపాయంతో పిపిఎఫ్ ఖాతాను ప్రారంభించేందుకు బ్యాంకు ఖాతాదారులు బ్యాంకును సందర్శించి, భౌతికంగా డాక్యుమెంట్లను సమర్పించాల్సిన అవసరం లేదు.

ముంబయి, డిసెంబర్ 6: అందరూ అంచనా వేసినట్టుగానే జరిగింది. రిజర్వ్ బ్యాంక్ (ఆర్‌బీఐ) ద్రవ్యోల్బణం పెరుగుతుందనే భయంతో కీలక వడ్డీ రేట్లను మార్చకుండా యథాతథంగా ఉంచింది. అయితే ఇంటి, వాహన రుణాలపై వడ్డీ రేట్లను కాస్త తగ్గించుకునేందుకు బ్యాంకులకు కొంచెం అవకాశం కల్పించింది. అలాగే ప్రస్తుత ఆర్థిక సంవత్సరం రెండో అర్ధ భాగంలో ద్రవ్యోల్బణం అంచనాను కూడా 4.3-4.7 శాతానికి పెంచింది.

ముంబయి, డిసెంబర్ 6: ద్రవ్యోల్బణం పెరుగుతుందనే భయంతో రిజర్వ్ బ్యాంక్ (ఆరీబీఐ) కీలక వడ్డీ రేట్లను యథాతథంగా కొనసాగించాలని నిర్ణయించడం దేశీయ స్టాక్ మార్కెట్లపై ప్రతికూల ప్రభావం చూపింది. కీలక వడ్డీ రేట్లు మారకపోవచ్చనే సంకేతాలు వెలువడంతో మంగళవారం పడిపోయిన మార్కెట్ ప్రధాన సూచీలు, బుధవారం ఆర్‌బీఐ నిర్ణయం వెలువడటంతో వరుసగా రెండో రోజూ పతనమయ్యాయి.

హైదరాబాద్, డిసెంబర్ 6: దేశంలో ఎన్‌ఎండీసీ నేతృత్వంలో ఉక్కు ఫ్యాక్టరీలను ఏర్పాటు చేసే అంశం పరిశీలనలో ఉందని ఈ కంపెనీ చైర్మన్, మేనేజింగ్ డైరెక్టర్ బైజేంద్రకుమార్ తెలిపారు. ఎన్‌ఎండిసి ఏర్పాటై అరవై సంవత్సరాలు పూర్తయిన సందర్భంగా ఈ నెల 8 న ప్రత్యేకంగా వజ్రోత్సవం హైదరాబాద్ (శిల్పకళావేదిక) లో నిర్వహిస్తున్నామన్నారు.