హైదరాబాద్, డిసెంబర్ 8: సింగరేణి థర్మల్ విద్యుత్ కేంద్రం (జైపూర్) నవంబర్‌లో 90.28 శాతం ప్లాంట్ లోడ్ ఫ్యాక్టర్ (పిఎల్‌ఎఫ్) సాధించి జాతీయ స్థాయిలో 7వ స్థానాన్ని పొందిందని ఆ సంస్థ సిఎండి ఎన్.శ్రీధర్ హర్షం వ్యక్తం చేశారు. 2017లో థర్మల్ విద్యుత్ కేంద్రం జాతీయ స్థాయిలో మూడుసార్లు మొదటి 10 స్థానాల్లో నిలిచినందుకు ఉద్యోగులను అభినందిస్తూ, ఇకముందు కూడా మెరుగ్గా పని చేయాలని కోరారు.

హైదరాబాద్, డిసెంబర్ 8: తెలంగాణలో భారత దేశపు అతిపెద్ద ఆతిథ్య రంగ కంపెనీ ఓయో అడుగుపెట్టింది. ఆతిథ్యరంగంలో నైపుణ్యాభివృద్ధిని ప్రోత్సహించడానికి తెలంగాణ ప్రభుత్వంతో ఒప్పందం చేసుకున్న ఓయో తన నూతన టెక్ డెవలెప్‌మెంట్ సెంటర్‌ను హైదారాబాద్‌లో ఏర్పాటు చేసింది. ఈ సెంటర్‌ను రాష్ట్ర ఐటి, మున్సిపల్ శాఖల మంత్రి కెటిఆర్ శుక్రవారం ప్రారంభించారు.

న్యూఢిల్లీ, డిసెంబర్ 7: మ్యూచువల్ ఫండ్‌లను, పోర్ట్ఫోలియో మేనేజర్లను కమాడిటి డెరివేటివ్స్ మార్కెట్‌లో పెట్టుబడులు పెట్టేందుకు అనుమతించాలని సెక్యూరిటీ అండ్ ఎక్స్చేంజ్ బోర్డ్ ఆఫ్ ఇండియా (సెబి) గురువారం ప్రతిపాదించింది.

హైదరాబాద్, డిసెంబర్ 7: ఫిలిప్పీన్స్‌లో అంతర్జాతీయ కొత్త టర్మినల్ విమానాశ్రయం నిర్మాణానికి తుది బిడ్‌కు సంబంధించి ఎంపికైన సంస్థల్లో జిఎంఆర్ గ్రూపుఅర్హత సాధించినట్లు జిఎంఆర్ సంస్ధ పేర్కొంది. ఈ బిడ్ విలువ 250 మిలియన్ల డాలర్లు. మొత్తం ఏడు కంపెనీల్లో ఐదు కంపెనీలు అర్హత సాధించినట్లు తెలిపారు. ఇందులో జిఎంఆర్ మెగావైడ్ ఇన్‌ఫ్రాస్ట్రక్చర్ నాల్గవ స్థానం సాధించింది.