న్యూఢిల్లీ, అక్టోబర్ 23: విద్యుత్ పరికరాల తయారీ సంస్థ హవెల్స్ ఇండియా బుధవారం త్రైమాసిక ఫలితాలను విడుదల చేసింది. సెప్టెంబర్‌తో ముగిసిన త్రైమాసికంలో మొత్తం రూ. 179.51 కోట్ల నికర లాభాలను ఆర్జించినట్టు నివేదించింది. గత ఏడాది ఇదే కాలంలో ఈ కంపెనీకి రూ. 179.70 కోట్ల లాభం సమకూరగా తాజాగా అది స్వల్పంగా తగ్గింది. నిర్వహణ (ఆపరేషన్స్) విభాగం ఆదాయం 1.75 శాతం పెరిగి రూ. 2,232.65 కోట్లకు చేరింది.

న్యూఢిల్లీ, అక్టోబర్ 23: దేశ రాజధాని వాసులకు టమోటో ధరల భారాన్ని తగ్గించేందుకు కేంద్ర ప్రభుత్వం చర్యలు చేపట్టింది. ఈక్రమంలో ప్రభుత్వ రంగ సంస్థ మదర్‌డైరీని ధరలు తగ్గించి విక్రయించాల్సిందిగా బుధవారం ఆదేశించింది. కిలోమీద 2 నుంచి 3 రూపాయలు ధర తగ్గించాలని సూచింది.

ముంబయి: ఐటీ దిగ్గజం ఇన్ఫోసిస్ సీఈవోపై అవినీతి ఆరోపణలు రావడంతో మంగళవారం ఒక్క సారిగా ఆ కంపెనీ వాటాలు 16 శాతం నష్టపోయి మొత్తం దేశీయ స్టాక్‌మార్కెట్లను నష్టాల్లోకి లాగాయి. వరుసగా ఆరు రోజులు లాభాల్లో సాగి ఊపుమీదున్న స్టాక్ మార్కెట్లకు ఇలా అనూహ్యంగా ఎదురుదెబ్బ తగిలింది. దీంతో బీఎస్‌ఈ 30 షేర్ల సూచీ సెనె్సక్స్ 334.54 పాయింట్లు కోల్పోయి 0.85 శాత నష్టాలతో 38,924.85 పాయింట్ల కనిష్ట స్థాయిలో స్థిరపడింది.

ముంబయి, అక్టోబర్ 22: ప్రభుత్వ రంగ బ్యాంకుల ఉద్యోగులు మంగళవారం చేపట్టిన దేశవ్యాప్త ఒక రోజు సమ్మె కారణంగా బ్యాంకు సేవలకు అంతరాయం ఏర్పడింది. కేంద్రం చేపట్టిన బ్యాంకుల విలీన కార్యక్రమాన్ని వ్యితిరేకిస్తూ ఈ ఆందోళన కార్యక్రమం సాగింది. గత ఆగస్టులో 10 ప్రభుత్వ రంగ బ్యాంకులను నాలుగు బ్యాంకులుగా మార్చనున్నట్టు కేంద్ర ప్రభుత్వం ప్రకటించింది.