న్యూఢిల్లీ, అక్టోబర్ 31: బులియన్ మార్కెట్‌లో గురువారం 10 గ్రాముల బంగారం ధర 115 రూపాయలు పెరిగి, 39,017 రూపాయలకు చేరింది. 38,902 రూపాయల ప్రారంభ ధరతో మొదలైన ట్రేడింగ్‌లో లాభాల్లోనే నడిచింది. రూపాయి మారకం విలువ స్వల్పంగా పతనం కావడంతో, పసిడికి డిమాండ్ పెరిగింది. మదుపరులు బులియన్ మార్కెట్‌పై ఆసక్తి చూపడంతో, బంగారం ధర పెరిగింది. కాగా, కిలో వెండి ధర 95 రూపాయలు పెరిగి, 47,490 రూపాయల వద్ద ముగిసింది.

న్యూఢిల్లీ, అక్టోబర్ 30: ఇంతకాలం నల్లధనం వెలికితీతపై దృష్టి సారించిన ప్రధాన మంత్రి నరేంద్ర మోదీ ప్రభుత్వం ఇప్పుడు అక్రమంగా నిల్వ ఉంచిన బంగారంపై దృష్టి కేంద్రీకరిస్తోంది. నల్ల ధనంతో కొనుగోలు చేసిన బంగారాన్ని వెలికితీసేందుకు ఎన్‌డీఏ ప్రభుత్వం ఒక కొత్త పథకాన్ని ప్రకటించనున్నట్లు తెలిసింది.

ముంబయి, అక్టోబర్ 30: దేశీయ స్టాక్ మార్కెట్లు వరుసగా రెండోరోజూ లాభాల పరుగును కొనసాగించాయి. కార్పొరేట్ కంపెనీల బలమైన త్రైమాసిక ఫలితాలు, ఈక్విటీల్లో మదుపుచేసే వారికి ఆదాయ పన్ను తగ్గింపు ఉండవచ్చన్న అంచనాల క్రమంలో పెట్టుబడిదారుల సెంటిమెంటుపై సానుకూల ప్రభావం చూపింది. దీంతో బుధవారం సైతం సూచీలు మంచి లాభాలను నమోదు చేశాయి.

న్యూఢిల్లీ, అక్టోబర్ 30: ‘నెస్కో లిమిటెడ్’ సంస్థ ముంబయి నగరంలోని తన 6 లక్షల చదరపు అడుగుల ప్రధాన కార్యాలయ నిర్మాణాలను బుధవారం లీజుకిచ్చింది. ఇందులో ‘హియర్ టెక్నాలజీస్’, ఇండియా ఫస్ట్ లైఫ్ ఇన్సూరెన్స్ వంటి ప్రముఖ కంపెనీలున్నాయి. ఇటీవల స్థిరాస్తి వ్యాపారం, ఎగ్జిబిషన్ సెంటర్, ఆహార పానీయాలు, ఇంజనీరింగ్ వ్యాపారంలోకి నెస్కో ప్రవేశించింది.