న్యూఢిల్లీ, అక్టోబర్ 29: దేశీయ స్టాక్ మార్కెట్లు మంగళవారం భారీగా లాభపడడంతో మదుపర్ల సంపద ఒక్క రోజులోనే రూ. 2.73 లక్షల కోట్లు పెరిగింది. 30 షేర్ల సూచీ సెనె్సక్స్ నాలుగు నెలల గరిష్టం 581.64 పాయింట్లు ఎగబాకిన క్రమంలో బీఎస్‌ఈ జాబితాలోని కార్పొరేట్ కంపెనీల మార్కె ట్ విలువ ఒక్క రోజులోనే రూ. 2,73,355.21 కోట్లు పెరిగి మొత్తం రూ. 1,52,04,693.34 కోట్లకు చేరింది.

న్యూఢిల్లీ, అక్టోబర్ 29: రైల్వే టిక్కెట్ల రద్దు, రీఫండ్‌లకు సంబంధించి ప్రయాణికులకు ఎలాంటి ఇబ్బంది లేకుండా సులభతరమైన విధానాన్ని రైల్వే శాఖ ప్రవేశపెట్టింది. అధీకృత ఏజెంట్ల ద్వారా రిజర్వ్ చేసుకున్న టిక్కెట్లను రద్దు చేసుకున్న పక్షంలో రీఫండ్లకు సంబంధించి ఓటీపీ విధానాన్ని ప్రవేశపెట్టింది. అధీకృత ఏజెంట్ల ద్వారా జరిగే టిక్కెట్ బుకింగ్‌లో పారదర్శకత పెంపొందుతుందని తెలిపింది.

న్యూఢిల్లీ, అక్టోబర్ 28: రిలయన్స్ ఇండస్ట్రీస్ (ఆర్‌ఐఎల్) అన్ని డిజిటల్ వ్యవహారాల నిర్వహణకు ఓ ప్రత్యేక అనుబంధ విభాగాన్ని ఏర్పాటు చేయబోతోంది. సంస్థలో పెట్టుబడిదారులకు మరింత ఆకర్షణీయంగా అందుబాటులో ఉండే విధంగా ఈ ప్రత్యేక విభాగం రూపుదిద్దుకోబోతోంది. ఆర్‌ఐఎల్ తన అధీనంలోని టెలికాం, డిజిటల్ వాణిజ్యాన్ని పునర్‌వ్యవస్థీకరించే పనిలో ఉంది.

న్యూఢిల్లీ, అక్టోబర్ 28: వడ్డీ రేట్లపై అమెరికన్ ఫెడరేషన్ నిర్ణయం, దేశీయంగా కార్పొరేట్ కంపెనీల ఫలితాలు ప్రధానంగా ఈ వారం స్టాక్ మార్కెట్ల తీరును నిర్ధేశిస్తాయని విశే్లషకులు అంచనా వేస్తున్నారు. దీపావళి పర్వదిన సందర్భంగా సోమవారం ఒక రోజు సెలవుతో కూడిన ఈ వాణజ్య వారం మూడు రోజులే స్టాక్‌మార్కెట్లు పనిచేస్తాయి. ప్రధానంగా ఈ వారంలో వాహన కంపెనీలు త్రైమాసిక ఫలితాలు వెలువరించనున్నాయి.