S ,7 à 8 RSCA (si SASPAS) et 6 cialis pharmacie cialis rapports de stage.
నేర్చుకుందాం
సలలిత రామనామ జపసారమెరుంగను గాశికాపురీ
నిలయుఁడఁగాను మీ చరణ నీరజ రేణు మహాప్రభావముం
దెలియ నహల్యఁగాను , జగతీ వర, నీదగు సత్యవాక్యముం
దలఁపఁగ రావణాసురుని తమ్ముఁడఁ గాను, భవద్విలాసమున్
తలఁచి నుతింప నాతరమె? దాశరథీ కరుణాపయోనిధీ!
పరుల ధనంబు జూచి, పరభామల జూచి హరింప గోరుమ
ద్గురుతరమానసంబనెడి దొంగనుబట్టి నిరూఢదాస్య వి
స్ఫురిత వివేక పావముల జుట్టి, భవచ్చరణంబనే మరు
త్తరువున గట్టివేయగదె దాశరథీ కరుణాపయోనిధీ
చేసితి ఘోర కృత్యములు చేసితి భాగవతాపచారముల్
చేసితి నన్యదైవముల జేరి భజించిన వారి పొందు నే
జేసిన నేరముల్ దలచి చిక్కులు బెట్టకుమయ్య, యయ్య నీ
దాసుడనయ్య భద్రగిరి దాశరథీ కరుణాపయోనిధీ.
పరధనముల్ హరించి, పరభామలనంటి, పరాన్నమబ్బినన్
మురిపము కాని, మీదనుగు మోసమెరుగందు మానసంబు, దు
స్తరమిది, కాలకింకర గదాహతి పాల్పడనీక, మమ్ము నే
తరి దరిజేర్చి కాచెదవో? దశరథీ కరుణాపయోనిధీ
నేనొనరించు పాపములనేకములైనను, నాదు జిహ్వకున్
బానకమయ్యె మీ పరమపావన నామము దొంటిచిల్క ‘రా
మా, నను గావు’మన్న తుదిమాటకు సద్గతి జెందె గావునన్
దాని ధరింప గోరెదను దాశరథీ కరుణాపయోనిధీ
అగణితజన్మకర్మదురితాంబుధిలో బహుదుఃఖవీచికల్
దెగిపడ నీదలేక, జగతీధవ నీపదభక్తి నావచే
దగిలి తరింప గోరితి బదంపడి నాదుభయంబు మాన్పవే
తగదని చిత్తమందిడక దాశరథీ కరుణాపయోనిధీ.
పాపములొందువేళ రణపన్నగభూతభయజ్వరాదులం
దాపదనొందువేళ, భరతాగ్రజ,మిమ్ము భజించువారికిం
బ్రాపుగ నీవు దమ్ముడిరు ప్రక్కియలం జని తద్విపత్తి సం
తాపముమాని; కాతురట దాశరథీ కరుణాపయోనిధీ.
జనవర, మీ కథాళి వినసైపక కర్ణములందు ఘంటికా
నినదవినోదముల్ సలుపు నీచునకున్ వరమిచ్చినావు,ని
న్ననయము నమ్మికొల్చిన మహాత్ములకేమి యొసంగెదో సనం
దననుత, మాకొసంగుమయ దాశరథీ కరుణాపయోనిధీ.
విన్న పమాలకించు రఘువీర, వహిప్రతిలోకమంచు నా
కన్న దురాత్ముఁడుం బరమ కారుణి కోత్తమ, వేల్పులందు నీ
కన్న మహాత్ముఁడుం బతితకల్మష దూరుఁడు లేఁడు నాకు వి
ద్వన్ను త నీవె నాకు గతి! దాశరథీ కరుణాపయోనిధీ
ఘోరకృతాంతవీరభట కోటికి గుండెదిగుల్, దరిద్ర తా
కారపిశాచ సంహరణ కార్యవినోది, నికుంఠ మందిర
ద్వారక నాటభేది నిజదాసజనావళి కెల్ల ప్రొద్దు నీ
తారక నామమెన్ను కొన దాశరథీ కరుణాపయోనిధీ