S ,7 à 8 RSCA (si SASPAS) et 6 cialis pharmacie cialis rapports de stage.
నేర్చుకుందాం
వారిజ పత్రమందిడిన వారి విధంబున వర్తనీయమం
దారయ రొంపిలోన దనువంటని కుమ్మరి పుర్వు రీతి సం
సారమునన్ మెలంగుచు విచారగ్రుడవై పరమొందుగాదె స
త్కార మెరింగి మానవుడు దాశరథీ కరుణాపయోనిధీ
నీ సతి పెక్కు కల్ములిడ నేర్పరి, లోకమకల్మషంబుగా
నీ సుత సేయు పావనము, నిర్మిత కార్య ధురీణ దక్షుడై
నీ సుతుడిచ్చు వాయువులు, నిన్ను భజించిన కల్గకుండునే
దాసుల కోప్సితార్థములు దాశరథీ కరుణాపయోనిధీ
కాంచన వస్తు సంకలిత కల్మష మగ్ని పుటంబు వెట్టి వా
రించిన రీతి నాత్మ నిగిడించిన దుష్కర దుర్మలత్రయం
బంచిత భక్తి యోగదహనార్చి దగుల్పక పాయునే కన
త్కాంచన కుండలాభరణ దాశరథీ! కరుణా పయోనిధీ
నీ మహనీయతత్త్వ రస నిర్ణయ బోధ కధామృతాబ్ధిలో
దానును గ్రుంకులాడక వృథా తను కష్టము జెంది మానవుం
డీ మహిలోక తీర్థములనెల్ల మునిగిన దుర్వికార హృ
త్తామస పంకముల్ విడునె దాశరధీ కరుణాపయోనిధీ
భానుడు తూర్పునందు గనుపట్టిన బావక చంద్ర తేజముల్
హీనత చెందినట్లు జగదేక విరాజితమైన నీ పద
ధ్యానము సేయుచున్న బరదైవ మరీచులడంగకుండునే
దానవ గర్వ నిర్దళన దాశరధీ కరుణాపయోనిధీ!
చిరతర భక్తి నొక్క తులసీ దళ సమర్పణ సేయువాడు ఖే
చర గరుడోరగ ప్రముఖ సంఘములో వెలుగన్ సదా భవత్
స్ఫురదరవింద పాదముల బూజలొనర్చిన వారికెల్ల ద
త్పరమరచేత ధాత్రి గద దాశరథీ కరుణా పయోనిధీ
కరములు నీకు మ్రొక్కులిడ గన్నులు మిమ్ము నె జూడ జిహ్వమీ
స్మరణ దలిర్ప, వీనులు భవత్క్ధలన్ వినుచుండ, నాసమీ
యరు తను బెట్టు పూసరుల కాసగొనం, పరమార్థ సాధనో
త్కరమిది చేయవే కృపను దాశరథీ కరుణా పయోనిధీ
వనకరి చిక్కె మైనసకు వాచవికిం జెడిపోయె మీను, తా
వినికికి చిక్కె జిక్కె జిల్వ కనువేదురు జెందెను లేళ్ళు, తావిలో
మనికి నశించె దేటి, తరమా యిరుమూటిని గెల్వ నైదు సా
ధనముల నీవె కావదగు దాశరధీ, కరుణాపయోనిధీ
హరిపద భక్తి నింద్రియ జయాన్వితుడుత్తము డింద్రయమ్ములన్
మరుగక నిల్పనూదినను మధ్యము డింద్రియ పారవశ్యుడై
పరగినచో నికృష్టుడని పల్కగ, దుర్మతినైన నన్ను నా
దరమున నెట్ల కాంచెదవొ, దాశరథీ కరుణాపయోనిధీ
దురితలతా నుసారి భవ దుఃఖ కదంబము రామ నామ భీ
కరతర హేతిచే దెగి వక్తావకలై చనకుండ నేర్చునే
దరికొని మండుచుండు శిఖి దార్కొనినన్ శలభాది కీటకో
త్కరము విలీనమై చనదె, దాశరథీ కరుణాపయోనిధీ